تم اپنا پہلا قدم تو بڑھاؤ بسم اللہ — نعمان شوق
شاعر
تم اپنا پہلا قدم تو بڑھاؤ بسم اللہ
تم اپنا پہلا قدم تو بڑھاؤ بسم اللہ
خدا سنبھالنے والا ہے جاؤ بسم اللہ
وہ کیا تھا جس میں محبت کی جیت ہوتی تھی
سناؤ پھر وہی قصہ سناؤ بسم اللہ
اگر یہ جنگ ہے تو مجھ سے ہار جاؤ گے
اگر یہ عشق ہے تو پاس آؤ بسم اللہ
مرے نصیب میں لکھ ہی دیا ہے زہر کا جام
تو اے زمیں کے خداؤ بڑھاؤ بسم اللہ
تمہیں پسند نہیں یہ جہاں تو چھوڑو اسے
بناؤ اک نئی دنیا بناؤ بسم اللہ
نعمان شوق
Tum apna pehla qadam to baDhao Bismillah
Tum apna pehla qadam to baDhao Bismillah
Khuda sambhalne wala hai jao Bismillah
Woh kya tha jis mein muhabbat ki jeet hoti thi
Sunao phir wahi qissa sunao Bismillah
Agar ye jang hai to mujh se haar jaoge
Agar ye ishq hai to paas aao Bismillah
Mere naseeb mein likh hi diya hai zehar ka jaam
To ae zameen ke khudao baDhao Bismillah
Tumhein pasand nahin ye jahan to chhoDo use
Banao ek nayi duniya banao Bismillah
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں