تمہارے رنگ کی بھی کیا کوئی زنجیر ملتی ہے — نعمان شوق
شاعر
تمہارے رنگ کی بھی کیا کوئی زنجیر ملتی ہے
تمہارے رنگ کی بھی کیا کوئی زنجیر ملتی ہے
نظر چاہے جدھر جائے بس اک تصویر ملتی ہے
یہ کون احمق بناتا ہے نئی دنیا کے منصوبے
یہاں انسان تو ملتے نہیں تعمیر ملتی ہے
ترازو کے یہ بازو جانے کس کے کام آئیں گے
ہمیں انصاف کب ملتا ہے بس تقریر ملتی ہے
اسی در پر چلے جاؤ جہاں سجدے میں تھے کل رات
دوائیں بھی وہیں سے لو جہاں تاثیر ملتی ہے
بہت آگے نکل جانا نہیں خوابوں کی مستی میں
کہ آنکھیں کھولتے ہی پاؤں میں زنجیر ملتی ہے
نعمان شوق
Tumhare rang ki bhi kya koi zanjeer milti hai
Tumhare rang ki bhi kya koi zanjeer milti hai
Nazar chahe jidhar jaaye bas ek tasveer milti hai
Ye kaun ahmaq banata hai nayi duniya ke mansoobe
Yahan insaan to milte nahin tameer milti hai
Tarazu ke ye bazoo jaane kis ke kaam aayenge
Hamein insaaf kab milta hai bas taqreer milti hai
Isi dar par chale jao jahan sajde mein the kal raat
Dawaen bhi wahin se lo jahan taseer milti hai
Bahut aage nikal jaana nahin khwabon ki masti mein
Ke aankhen kholte hi paaon mein zanjeer milti hai
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں