اس آگ نے دیا تھا بڑا مرتبہ مجھے — نعمان شوق
شاعر
اس آگ نے دیا تھا بڑا مرتبہ مجھے
اس آگ نے دیا تھا بڑا مرتبہ مجھے
فرصت ملے تو یار دوبارہ جلا مجھے
لپٹا کے بولا اتنا نہ آنا کسی کے پاس
سمجھا رہا تھا عشق کا اچھا برا مجھے
اک بار ایسے چھوڑ کہ حاصل نہ ہو سکوں
آؤں نہ اپنے ہاتھ بھی ایسے گنوا مجھے
جتنا برا سمجھتا تھا اتنا نہیں تھا وو
اس نے ہی اپنے زہر سے اچھا کیا مجھے
میں اور میرا عشق الگ چیز ہیں میاں
تم نے بھی کس ترنگ میں اپنا لیا مجھے
نعمان شوق
Us aag ne diya tha bada martaba mujhe
Us aag ne diya tha bada martaba mujhe
Fursat mile to yaar dobara jala mujhe
Lipta ke bola itna na aana kisi ke paas
Samjha raha tha ishq ka achha bura mujhe
Ik baar aise chhod ke haasil na ho sakun
Aaoon na apne haath bhi aise ganwa mujhe
Jitna bura samajhta tha itna nahin tha woh
Us ne hi apne zehr se achha kiya mujhe
Main aur mera ishq alag cheez hain miyan
Tum ne bhi kis tarang mein apna liya mujhe
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں