اس کے سوا ہر ایک کی مشکل میں جان ہے — نعمان شوق
شاعر
اس کے سوا ہر ایک کی مشکل میں جان ہے
اس کے سوا ہر ایک کی مشکل میں جان ہے
دراصل صرف بازوئے قاتل میں جان ہے
اک سچ بھی گر زبان سے نکلے تو لوگ باگ
چلا کے دوڑ پڑتے ہیں بسمل میں جان ہے
اس خود اذیتی کو محبت کہے گا کون
اچھا ہوں میری جان کہ مشکل میں جان ہے
اس اک صدا کی گونج رہے گی گلی گلی
زندہ رہے گا شہر کہ سائل میں جان ہے
زخمی شکار جان بچا کر نکل گیا
یعنی شکاریوں کی بھی مشکل میں جان ہے
سمجھا کے ہار ہار گیا جل پری کو میں
اب بھی سمجھ رہی ہے کہ ساحل میں جان ہے
نعمان شوق
Us ke siwa har ek ki mushkil mein jaan hai
Us ke siwa har ek ki mushkil mein jaan hai
Darasal sirf bazoo-e-qaatil mein jaan hai
Ek sach bhi gar zubaan se nikle to log baag
Chila ke daud padte hain bismil mein jaan hai
Is khud-eaziyati ko mohabbat kahega kaun
Achha hoon meri jaan ke mushkil mein jaan hai
Is ek sada ki goonj rahegi gali gali
Zinda rahega shahr ke sa'il mein jaan hai
Zakhmi shikar jaan bacha kar nikal gaya
Yaani shikariyon ki bhi mushkil mein jaan hai
Samjha ke haar haar gaya jalpari ko main
Ab bhi samajh rahi hai ke saahil mein jaan hai
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں