وہ بھولا صبح کا تھا گھر گیا نا — نعمان شوق
شاعر
وہ بھولا صبح کا تھا گھر گیا نا
وہ بھولا صبح کا تھا گھر گیا نا
ذرا سی دیر کر دی پر گیا نا
وہ دشمن تھا قریب آنے تو دیتے
بچا تھا ایک ہی پتھر گیا نا
نہیں تھیں اس ندی میں مچھلیاں بھی
بہت تنہا تھا پانی مر گیا نا
اسے عادت نہیں تھی زندگی کی
محبت کی نظر سے ڈر گیا نا
تجھے ہی عشق کی جلدی پڑی تھی
ہمارے آنسوؤں سے بھر گیا نا
بہت گھبرائے پھرتے تھے تمہیں تھے
لگا تھا زخم آخر بھر گیا نا
نعمان شوق
Wo bhoola subah ka tha ghar gaya na
Wo bhoola subah ka tha ghar gaya na
Zara si der kar di par gaya na
Wo dushman tha qareeb aane to dete
Bacha tha ek hi patthar gaya na
Nahin thin us nadi mein machhliyan bhi
Bahut tanha tha paani mar gaya na
Use aadat nahin thi zindagi ki
Mohabbat ki nazar se dar gaya na
Tujhe hi ishq ki jaldi padi thi
Hamaare aansuon se bhar gaya na
Bahut ghabraye phirte the tumhein the
Laga tha zakhm aakhir bhar gaya na
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں