وہ اپنے شہر فراغت سے کم نکلتا ہے — نعمان شوق
شاعر
وہ اپنے شہر فراغت سے کم نکلتا ہے
وہ اپنے شہر فراغت سے کم نکلتا ہے
نکل بھی آئے تو فرصت سے کم نکلتا ہے
میں خانقاہ کے باہر کھڑا ہوں مدت سے
یہاں بھی کام عقیدت سے کم نکلتا ہے
فلک کی سیر کے پیغام آتے رہتے ہیں
بدن ہی خاک کی دہشت سے کم نکلتا ہے
سنبھل سنبھل کے تو چلتا ہے وہ ستارہ بھی
تمہاری جیسی نزاکت سے کم نکلتا ہے
میں ناپتا ہوں تو ہر بار رقبۂ افلاک
مری نگاہ کی وسعت سے کم نکلتا ہے
ہمیشہ عشق کو ہی ماننی پڑی ہے ہار
ہمیشہ حسن ضرورت سے کم نکلتا ہے
یہ نفرتوں کو مٹانے کی ضد رہے باقی
مگر یہ کام محبت سے کم نکلتا ہے
نعمان شوق
Woh apne shahr-e-faraghat se kam nikalta hai
Woh apne shahr-e-faraghat se kam nikalta hai
Nikal bhi aaye to fursat se kam nikalta hai
Main khanqah ke bahar khaDa hun muddat se
Yahan bhi kaam aqeedat se kam nikalta hai
Falak ki sair ke paigham aate rehte hain
Badan hi khak ki dehshat se kam nikalta hai
Sambhal sambhal ke to chalta hai woh sitara bhi
Tumhari jaisi nazakat se kam nikalta hai
Main napta hun to har bar raqba-e-aflaak
Meri nigah ki wusat se kam nikalta hai
Hamesha ishq ko hi manni paDi hai haar
Hamesha husn zaroorat se kam nikalta hai
Ye nafraton ko miTane ki zid rahe baqi
Magar ye kaam muhabbat se kam nikalta hai
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں