وہ جو سبھی خداؤں کا اک ہے خدا مرے عزیز — نعمان شوق
شاعر
وہ جو سبھی خداؤں کا اک ہے خدا مرے عزیز
وہ جو سبھی خداؤں کا اک ہے خدا مرے عزیز
تم کو ملے تو بھیجنا اس کا پتہ مرے عزیز
اس نے خوش آمدید اگر تم کو نہیں کہا تو کیا
سیکڑوں منتوں کے بعد در تو کھلا مرے عزیز
لہروں نے جھوم جھوم کر چھیڑا بطوں کے غول کو
نہر کے آس پاس تھی ایسی ہوا مرے عزیز
یہ تو بقا کی جنگ تھی اس کو تو جیتنا ہی تھا
تم نے سپر ہی ڈال دی کیا یہ کیا مرے عزیز
ایک قدیم شام کو رقص کیا پہن کے میں
ہجر میں کام آ گئی یہ بھی قبا مرے عزیز
جائیے چھوٹ دی گئی آپ کو قتل عام کی
آپ ہیں عرف عام میں راہنما مرے عزیز
نعمان شوق
Woh jo sabhi khudaon ka ek hai Khuda mere azeez
Woh jo sabhi khudaon ka ek hai Khuda mere azeez
Tum ko mile to bhejna us ka pata mere azeez
Us ne khush-aamadeed agar tum ko nahin kaha to kya
SainkaDon minnaton ke baad dar to khula mere azeez
Lahron ne jhoom jhoom kar chheDa bat'on ke ghool ko
Nahar ke aas paas thi aisi hawa mere azeez
Ye to baqa ki jung thi is ko to jeetna hi tha
Tum ne sipar hi Daal di kya ye kya mere azeez
Ek qadeem shaam ko raqs kiya pahan ke main
Hijr mein kaam aa gai ye bhi qaba mere azeez
Jaaiye chhooT di gai aap ko qatl-e-aam ki
Aap hain urf-e-aam mein rahnuma mere azeez
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں