وہ مٹی کا ستارہ ہے ہمارا — نعمان شوق
شاعر
وہ مٹی کا ستارہ ہے ہمارا
وہ مٹی کا ستارہ ہے ہمارا
تیمم پر گزارہ ہے ہمارا
سخن کا حسن بڑھ جاتا ہے اس سے
خموشی استعارہ ہے ہمارا
ادھر کوئی محبت سے نہ دیکھے
یہی اک دل بچارہ ہے ہمارا
ہمیں زندہ کیا جائے تو اس پر
وہی دعویٰ دوبارہ ہے ہمارا
کسی کی دخل اندازی نہیں ہے
یہ عشق ایسا ادارہ ہے ہمارا
کئی فرعون ہیں ہم عصر اپنے
سمجھ لیجے اشارہ ہے ہمارا
نعمان شوق
Woh mitti ka sitara hai hamara
Woh mitti ka sitara hai hamara
Tayammum par guzara hai hamara
Sukhan ka husn badh jata hai is se
Khamoshi ista'ara hai hamara
Idhar koi mohabbat se na dekhe
Yehi ek dil bechara hai hamara
Hamein zinda kiya jaye toh is par
Wahi daawa dobara hai hamara
Kisi ki dakhal-andaazi nahin hai
Yeh ishq aisa idara hai hamara
Kayi Firaun hain hum-asr apne
Samajh leejiye ishara hai hamara
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں