وہ مجھ کو میں کسی کو منانے نکل گیا — نعمان شوق
شاعر
وہ مجھ کو میں کسی کو منانے نکل گیا
وہ مجھ کو میں کسی کو منانے نکل گیا
اک وقت تھا جو وقت سے پہلے نکل گیا
ماہ و نجوم کم ہوئے اسباب میں مرے
پھر ڈر کا آسمان بھی دل سے نکل گیا
نازک بہت تھا اس کی گلی کا معاملہ
اپنی اداسیوں کو سنبھالے نکل گیا
اک بار دل میں جاگی نئی آگ کی ہوس
اک راستہ ندی کے کنارے نکل گیا
کل مجھ کو چھو گیا کوئی جھونکا بہار کا
وہ بھی زمانہ آنکھ جھپکتے نکل گیا
توفیق شعر مجھ کو عطا بھی ہوئی تو کب
جب عارض عروض سے آگے نکل گیا
نعمان شوق
Woh mujh ko main kisi ko manane nikal gaya
Woh mujh ko main kisi ko manane nikal gaya
Ek waqt tha jo waqt se pehle nikal gaya
Maah-o-najoom kam hue asbab mein mere
Phir dar ka asmaan bhi dil se nikal gaya
Naazuk bahut tha us ki gali ka maamla
Apni udasiyon ko sambhale nikal gaya
Ek baar dil mein jaagi nayi aag ki hawis
Ek rasta nadi ke kinare nikal gaya
Kal mujh ko chhu gaya koi jhonka bahar ka
Woh bhi zamana aankh jhapakte nikal gaya
Taufiq-e-sher mujh ko ata bhi hui to kab
Jab ariz-e-urooz se aage nikal gaya
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں