زمین حسب ضرورت اگائی جاتی ہے — نعمان شوق
شاعر
زمین حسب ضرورت اگائی جاتی ہے
زمین حسب ضرورت اگائی جاتی ہے
پھر ایک سانچے میں خلقت بنائی جاتی ہے
خبر میں ہیں جو کئی زر خرید قصہ گو
ہمیں انہیں کی کہانی سنائی جاتی ہے
ہماری بزم میں جلتے نہیں چراغ کے ساتھ
یہاں چراغ کی دہشت جلائی جاتی ہے
تمام رات کا جاگا ہوں معذرت مرے دوست
برا نہ مان اگر نیند آئی جاتی ہے
ہمارے جام میں الزام کے سوا نہیں کچھ
ہمیں شراب کی تہمت پلائی جاتی ہے
میں خود سے جنگ کا اعلان کرنے والا ہوں
جو ہاری جاتی نہیں ہے ہرائی جاتی ہے
ہمارے عہد کا سرمایہ ہیں یہ طالب علم
انہیں کتاب سے نفرت سکھائی جاتی ہے
زمین پر ہے تمام اندھے عاشقوں کا ہجوم
یہاں وفا بھی نہیں آزمائی جاتی ہے
یہ کیسے خواب کی تکمیل میں لگا ہے جہاں
کہ زہر دے کے محبت سلائی جاتی ہے
نعمان شوق
Zameen hasb-e-zarurat ugai jaati hai
Zameen hasb-e-zarurat ugai jaati hai
Phir ek saanche mein khilqat banayi jaati hai
Khabar mein hain jo kayi zar khareed qissa go
Hamein unhi ki kahani sunayi jaati hai
Hamari bazm mein jalte nahin chiragh ke saath
Yahan chiragh ki dahshat jalayi jaati hai
Tamaam raat ka jaaga hoon ma'azrat mere dost
Bura na maan agar neend aayi jaati hai
Hamare jaam mein ilzaam ke siwa nahin kuch
Hamein sharaab ki tohmat pilayi jaati hai
Main khud se jung ka elaan karne wala hoon
Jo haari jaati nahin hai, harayi jaati hai
Hamare ahd ka sarmaya hain yeh taalib ilm
Unhein kitaab se nafrat sikhayi jaati hai
Zameen par hai tamaam andhe aashiqon ka hujoom
Yahan wafa bhi nahin aazmayi jaati hai
Yeh kaise khwaab ki takmeel mein laga hai jahan
Ke zehar de ke mohabbat sulayi jaati hai
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں