عبث ہے ناز استغنا پہ کل کی کیا خبر کیا ہو — نظم طباطبائی
شاعر
عبث ہے ناز استغنا پہ کل کی کیا خبر کیا ہو
عبث ہے ناز استغنا پہ کل کی کیا خبر کیا ہو
خدا معلوم یہ سامان کیا ہو جائے سر کیا ہو
یہ آہ بے اثر کیا ہو یہ نخل بے ثمر کیا ہو
نہ ہو جب درد ہی یارب تو دل کیا ہو جگر کیا ہو
جہاں انسان کھو جاتا ہو خود پھر اس کی محفل میں
رسائی کس طرح ہو دخل کیوں کر ہو گزر کیا ہو
نہ پوچھوں گا میں یہ بھی جام میں ہے زہر یا امرت
تمہارے ہاتھ سے اندیشۂ نفع و ضرر کیا ہو
مروت سے ہو بیگانہ وفا سے دور ہو کوسوں
یہ سچ ہے نازنیں ہو خوب صورت ہو مگر کیا ہو
شگوفے دیکھ کر مٹھی میں زر کو مسکراتے ہیں
کہ جب عمر اس قدر کوتاہ رکھتے ہیں تو زر کیا ہو
رہا کرتی ہے یہ حیرت مجھے زہد ریائی پر
خدا سے جو نہیں ڈرتا اسے بندہ کا ڈر کیا ہو
کہا میں نے کہ نظمؔ مبتلا مرتا ہے حسرت میں
کہا اس نے اگر مر جائے تو میرا ضرر کیا ہو
کہا میں نے کہ ہے سوز جگر اور اف نہیں کرتا
کہا اس کی اجازت ہی نہیں پھر نوحہ گر کیا ہو
کہا میں نے کہ دے اس کو اجازت آہ کرنے کی
کہا اس نے بھڑک اٹھے اگر سوز جگر کیا ہو
کہا میں نے کہ آنسو آنکھ کا لیکن نہیں تھمتا
کہا آنکھیں کوئی تلووں سے مل ڈالے اگر کیا ہو
کہا میں نے قدم بھر پر ہے وہ صورت دکھا آؤ
کہا منہ پھیر کر اتنا کسی کو درد سر کیا ہو
کہا میں نے اثر مطلق نہیں کیا سنگ دل ہے تو
کہا جب دل ہو پتھر کا تو پتھر پر اثر کیا ہو
کہا میں نے جو مر جائے تو کیا ہو سوچ تو دل میں
کہا ناعاقبت اندیش نے کچھ سوچ کر کیا ہو
کہا میں نے خبر بھی ہے کہ دی جاں اس نے گھٹ گھٹ کر
کہا مر جائے چپکے سے تو پھر مجھ کو خبر کیا ہو
Abas hai naaz-e-istaghna pe kal ki kya khabar kya ho
Abas hai naaz-e-istaghna pe kal ki kya khabar kya ho
Khuda maloom ye samaan kya ho jaye sar kya ho
Ye aah-e-be-asar kya ho ye nakhl-e-be-samar kya ho
Na ho jab dard hi ya Rab to dil kya ho jigar kya ho
Jahan insan kho jata ho khud phir us ki mehfil mein
Rasai kis tarah ho dakhl kyun kar ho guzar kya ho
Na puchhunga main ye bhi jam mein hai zeher ya amrit
Tumhare haath se andesha-e-naf o zarar kya ho
Murawwat se ho begana wafa se dur ho koso
Ye sach hai nazneen ho khoobsurat ho magar kya ho
Shagufay dekh kar mutthi mein zar ko muskurate hain
Ke jab umar is qadar kotah rakhte hain to zar kya ho
Raha karti hai ye hairat mujhe zuhd-e-riyaai par
Khuda se jo nahin darta use banda ka dar kya ho
Kaha main ne ke Nazm mubtala marta hai hasrat mein
Kaha us ne agar mar jaye to mera zarar kya ho
Kaha main ne ke hai soz-e-jigar aur uff nahin karta
Kaha us ki ijazat hi nahin phir nauhagir kya ho
Kaha main ne ke de us ko ijazat aah karne ki
Kaha us ne bhadak uthe agar soz-e-jigar kya ho
Kaha main ne ke aansu aankh ka lekin nahin thamta
Kaha aankhein koi talwon se mil daale agar kya ho
Kaha main ne qadam bhar par hai wo surat dikha aao
Kaha munh pher kar itna kisi ko dard-e-sar kya ho
Kaha main ne asar mutlaq nahin kya sang-dil hai tu
Kaha jab dil ho patthar ka to patthar par asar kya ho
Kaha main ne jo mar jaye to kya ho soch to dil mein
Kaha na-aaqibat-andesh ne kuch soch kar kya ho
Kaha main ne khabar bhi hai ke di jaan us ne ghut ghut kar
Kaha mar jaye chupke se to phir mujh ko khabar kya ho
شاعر کے بارے میں
نظم طباطبائی اردو ادب کے اُن معتبر اور نستعلیق لہجے کے حامل شعرا میں شمار ہوتے ہیں جنہوں نے غزل اور نظم دونوں میں کلاسیکی جمالیات کو جدید عصری حسّی...
مکمل تعارف پڑھیں