اڑا کر کاگ شیشہ سے مے گلگوں نکلتی ہے — نظم طباطبائی
شاعر
اڑا کر کاگ شیشہ سے مے گلگوں نکلتی ہے
اڑا کر کاگ شیشہ سے مے گلگوں نکلتی ہے
شرابی جمع ہیں مے خانہ میں ٹوپی اچھلتی ہے
بہار مے کشی آئی چمن کی رت بدلتی ہے
گھٹا مستانہ اٹھتی ہے ہوا مستانہ چلتی ہے
زخود رفتہ طبیعت کب سنبھالے سے سنبھلتی ہے
نہ بن آتی ہے ناصح سے نہ کچھ واعظ کی چلتی ہے
یہ کس کی ہے تمنا چٹکیاں لیتی ہے جو دل میں
یہ کس کی آرزو ہے جو کلیجہ کو مسلتی ہے
وہ دیوانہ ہے جو اس فصل میں فصدیں نہ کھلوائے
رگ ہر شاخ گل سے خون کی ندی ابلتی ہے
سحر ہوتے ہی دم نکلا غش آتے ہی اجل آئی
کہاں ہوں میں نسیم صبح پنکھا کس کو جھلتی ہے
تمتع ایک کا ہے ایک کے نقصاں سے عالم میں
کہ سایہ پھیلتا جاتا ہے جوں جوں دھوپ ڈھلتی ہے
بنا رکھی ہے غم پر زیست کی یہ ہو گیا ثابت
نہ لپکا آہ کا چھوٹے گا جب تک سانس چلتی ہے
قرار اک دم نہیں آتا ہے خون بے گنہ پی کر
کہ اب تو خود بہ خود تلوار رہ رہ کر اگلتی ہے
جہنم کی نہ آنچ آئے گی مے خواروں پہ او واعظ
شراب آلودہ ہو جو شے وہ کب آتش میں جلتی ہے
نہ دکھلانا الٰہی ایک آفت ہے شب فرقت
نہ جو کاٹے سے کٹتی ہے نہ جو ٹالے سے ٹلتی ہے
یہ اچھا شغل وحشت میں نکالا تو نے اے حیدرؔ
گریباں میں الجھنے سے طبیعت تو بہلتی ہے
Uda kar kaag shisha se may-e-gulgoon nikalti hai
Uda kar kaag shisha se may-e-gulgoon nikalti hai
Sharabi jama hain may-khana mein topi uchhalti hai
Bahar-e-maykashi aayi chaman ki rut badalti hai
Ghata mastana uthti hai hawa mastana chalti hai
Zakhud-rafta tabiyat kab sambhale se sambhalti hai
Na ban aati hai naaseh se na kuch waiz ki chalti hai
Ye kis ki hai tamanna chutkiyan leti hai jo dil mein
Ye kis ki aarzoo hai jo kaleja ko masalti hai
Wo dewana hai jo is fasl mein fasdein na khulwaye
Rag-e-har shakh-e-gul se khoon ki nadi ubalti hai
Sahar hote hi dam nikla ghash aate hi ajal aayi
Kahan hoon main naseem-e-subh pankha kis ko jhalti hai
Tamattu'a ek ka hai ek ke nuqsaan se aalam mein
Ke saya phailta jata hai jun jun dhoop dalti hai
Bana rakhi hai gham par zeest ki ye ho gaya sabit
Na lapka aah ka chhootega jab tak saans chalti hai
Qarar ek dam nahin aata hai khoon-e-be-gunah pee kar
Ke ab to khud ba khud talwar reh reh kar ugalti hai
Jahannam ki na aanch aayegi may-khwaron pe o waiz
Sharab-aalooda ho jo shai wo kab aatish mein jalti hai
Na dikhlana Ilahi ek aafat hai shab-e-furqat
Na jo kate se katti hai na jo taale se talti hai
Ye achha shughl wahshat mein nikala tu ne aye Haidar
Gareban mein ulajhne se tabiyat to bahalti hai
شاعر کے بارے میں
نظم طباطبائی اردو ادب کے اُن معتبر اور نستعلیق لہجے کے حامل شعرا میں شمار ہوتے ہیں جنہوں نے غزل اور نظم دونوں میں کلاسیکی جمالیات کو جدید عصری حسّی...
مکمل تعارف پڑھیں