یہ ہوا مآل حباب کا جو ہوا میں بھر کے ابھر گیا — نظم طباطبائی
شاعر
یہ ہوا مآل حباب کا جو ہوا میں بھر کے ابھر گیا
یہ ہوا مآل حباب کا جو ہوا میں بھر کے ابھر گیا
کہ صدا ہے لطمۂ موج کی سر پر غرور کدھر گیا
مجھے جذب دل نے اے جز بہک کے رکھا قدم کوئی
مجھے پر لگائے شوق نے کہیں تھک کے میں جو ٹھہر گیا
مجھے پیری اور شباب میں جو ہے امتیاز تو اس قدر
کوئی جھونکا باد سحر کا تھا مرے پاس سے جو گزر گیا
اثر اس کے عشوۂ ناز کا جو ہوا وہ کس سے بیاں کروں
مجھے تو اجل کی ہے آرزو اسے وہم ہے کہ یہ مر گیا
تجھے اے خطیب چمن نہیں خبر اپنے خطبۂ شوق میں
کہ کتاب گل کا ورق ورق تری بے خودی سے بکھر گیا
کسے تو سناتا ہے ہم نشیں کہ ہے عشوۂ دشمن عقل و دیں
ترے کہنے کا ہے مجھے یقیں میں ترے ڈرانے سے ڈر گیا
کروں ذکر کیا میں شباب کا سنے کون قصہ یہ خواب کا
یہ وہ رات تھی کہ گزر گئی یہ وہ نشہ تھا کہ اتر گیا
دل ناتواں کو تکان ہو مجھے اس کی تاب نہ تھی ذرا
غم انتظار سے بچ گیا تھا نوید وصل سے مر گیا
مرے صبر و تاب کے سامنے نہ ہجوم خوف و رجا رہا
وہ چمک کے برق رہ گئی وہ گرج کے ابر گزر گیا
مجھے بحر غم سے عبور کی نہیں فکر اے مرے چارہ گر
نہیں کوئی چارہ کار اب مرے سر سے آب گزر گیا
مجھے راز عشق کے ضبط میں جو مزہ ملا ہے نہ پوچھیے
مے انگبیں کا یہ گھونٹ تھا کہ گلے سے میرے اتر گیا
نہیں اب جہان میں دوستی کبھی راستے میں جو مل گئے
نہیں مطلب ایک کو ایک سے یہ ادھر چلا وہ ادھر گیا
اگر آ کے غصہ نہیں رہا تو لگی تھی آگ کہ بجھ گئی
جو حسد کا جوش فرو ہوا تو یہ زہر چڑھ کے اتر گیا
تجھے نظمؔ وادئ شوق میں عبث احتیاط ہے اس قدر
کہیں گرتے گرتے سنبھل گیا کہیں چلتے چلتے ٹھہر گیا
Ye hua maal-e-habab ka jo hawa mein bhar ke ubhar gaya
Ye hua maal-e-habab ka jo hawa mein bhar ke ubhar gaya
Ke sada hai latma-e-mauj ki sar par ghuroor kidhar gaya
Mujhe jazb-e-dil ne aye juz behak ke rakha qadam koi
Mujhe par lagaye shauq ne kahin thak ke main jo thahar gaya
Mujhe peeri aur shabab mein jo hai imtiyaz to is qadar
Koi jhonka baad-e-sahar ka tha mere paas se jo guzar gaya
Asar us ke ishwa-e-naz ka jo hua wo kis se bayan karun
Mujhe to ajal ki hai aarzoo use wahm hai ke ye mar gaya
Tujhe aye khateeb-e-chaman nahin khabar apne khutba-e-shauq mein
Ke kitab-e-gul ka waraq waraq teri be-khudi se bikhar gaya
Kise tu sunata hai ham-nasheen ke hai ishwa-e-dushman-e-aql o deen
Tere kehne ka hai mujhe yaqeen main tere darane se dar gaya
Karun zikr kya main shabab ka sune kaun qissa ye khwab ka
Ye wo raat thi ke guzar gayi ye wo nasha tha ke utar gaya
Dil-e-natwan ko takaan ho mujhe is ki taab na thi zara
Gham-e-intezar se bach gaya tha naveed-e-wasl se mar gaya
Mere sabr o taab ke samne na hujoom-e-khauf o raja raha
Wo chamak ke barq reh gayi wo garaj ke abr guzar gaya
Mujhe bahr-e-gham se uboor ki nahin fikr aye mere charah-gar
Nahin koi charah-kar ab mere sar se aab guzar gaya
Mujhe raaz-e-ishq ke zabt mein jo maza mila hai na puchhiye
May-e-angbeen ka ye ghoont tha ke gale se mere utar gaya
Nahin ab jahan mein dosti kabhi raaste mein jo mil gaye
Nahin matlab ek ko ek se ye idhar chala wo udhar gaya
Agar aa ke ghussa nahin raha to lagi thi aag ke bujh gayi
Jo hasad ka josh faro hua to ye zeher chadh ke utar gaya
Tujhe Nazm wadi-e-shauq mein abas ehtiyat hai is qadar
Kahin girte girte sambhal gaya kahin chalte chalte thahar gaya
شاعر کے بارے میں
نظم طباطبائی اردو ادب کے اُن معتبر اور نستعلیق لہجے کے حامل شعرا میں شمار ہوتے ہیں جنہوں نے غزل اور نظم دونوں میں کلاسیکی جمالیات کو جدید عصری حسّی...
مکمل تعارف پڑھیں