یہ آہ بے اثر کیا ہو یہ نخل بے ثمر کیا ہو — نظم طباطبائی
شاعر
یہ آہ بے اثر کیا ہو یہ نخل بے ثمر کیا ہو
یہ آہ بے اثر کیا ہو یہ نخل بے ثمر کیا ہو
نہ ہو جب درد ہی یا رب تو دل کیا ہو جگر کیا ہو
بغل گیر آرزو سے ہیں مرادیں آرزو مجھ سے
یہاں اس وقت تو اک عید ہے تم جلوہ گر کیا ہو
مقدر میں یہ لکھا ہے کٹے گی عمر مر مر کر
ابھی سے مر گئے ہم دیکھیے اب عمر بھر کیا ہو
مروت سے ہو بیگانہ وفا سے دور ہو کوسوں
یہ سچ ہے نازنیں ہو خوبصورت ہو مگر کیا ہو
لگا کر زخم میں ٹانکے قضا تیری نہ آ جائے
جو وہ سفاک سن پائے بتا اے چارہ گر کیا ہو
قیامت کے بکھیڑے پڑ گئے آتے ہی دنیا میں
یہ مانا ہم نے مر جانا تو ممکن ہے مگر کیا ہو
کہا میں نے کہ نظمؔ مبتلا مرتا ہے حسرت میں
کہا اس نے اگر مر جائے تو میرا ضرر کیا ہو
Ye aah-e-be-asar kya ho ye nakhl-e-be-samar kya ho
Ye aah-e-be-asar kya ho ye nakhl-e-be-samar kya ho
Na ho jab dard hi ya Rab to dil kya ho jigar kya ho
Baghal-geer aarzoo se hain muradein aarzoo mujh se
Yahan is waqt to ek Eid hai tum jalwa-gar kya ho
Muqaddar mein ye likha hai kategi umar mar mar kar
Abhi se mar gaye hum dekhiye ab umar bhar kya ho
Murawwat se ho begana wafa se dur ho koso
Ye sach hai nazneen ho khoobsurat ho magar kya ho
Laga kar zakhm mein tanke qaza teri na aa jaye
Jo wo saffak sun paye bata aye charah-gar kya ho
Qiyamat ke bakhede pad gaye aate hi dunya mein
Ye mana hum ne mar jana to mumkin hai magar kya ho
Kaha main ne ke Nazm mubtala marta hai hasrat mein
Kaha us ne agar mar jaye to mera zarar kya ho
شاعر کے بارے میں
نظم طباطبائی اردو ادب کے اُن معتبر اور نستعلیق لہجے کے حامل شعرا میں شمار ہوتے ہیں جنہوں نے غزل اور نظم دونوں میں کلاسیکی جمالیات کو جدید عصری حسّی...
مکمل تعارف پڑھیں