یوں تو نہ تیرے جسم میں ہیں زینہار ہاتھ — نظم طباطبائی
شاعر
یوں تو نہ تیرے جسم میں ہیں زینہار ہاتھ
یوں تو نہ تیرے جسم میں ہیں زینہار ہاتھ
دینے کے اے کریم مگر ہیں ہزار ہاتھ
انگڑائیوں میں پھیلتے ہیں بار بار ہاتھ
شیشہ کی سمت بڑھتے ہیں بے اختیار ہاتھ
ڈوبے ہیں ترک سعی سے افسوس تو یہ ہے
ساحل تھا ہاتھ بھر پہ لگاتے جو چار ہاتھ
آتی ہے جب نسیم تو کہتی ہے موج بحر
یوں آبرو سمیٹ اگر ہوں ہزار ہاتھ
درپئے ہیں میرے قتل کے احباب اور میں
خوش ہوں کہ میرے خون میں رنگتے ہیں یار ہاتھ
دامن کشاں چلی ہے بدن سے نکل کے روح
کھنچتے ہیں پھیلتے ہیں جو یوں بار بار ہاتھ
مٹتا نہیں نوشتۂ قسمت کسی طرح
پتھر سے سر کو پھوڑ کہ زانو پہ مار ہاتھ
ساقی سنبھالنا کہ ہے لبریز جام مے
لغزش ہے میرے پاؤں میں اور رعشہ دار ہاتھ
مطرب سے پوچھ مسئلہ جبر و اختیار
کیا تال سم پہ اٹھتے ہیں بے اختیار ہاتھ
میں اور ہوں علائق دنیا کے دام میں
میرا نہ ایک ہاتھ نہ اس کے ہزار ہاتھ
اے نظمؔ وصل میں بھی رہا تو نہ چین سے
دل کو ہوا قرار تو ہے بے قرار ہاتھ
Yun to na tere jism mein hain zinhar haath
Yun to na tere jism mein hain zinhar haath
Dene ke aye Kareem magar hain hazar haath
Angdaaiyon mein phailte hain bar bar haath
Shisha ki samt badhte hain be-ikhtiyar haath
Doobe hain tark-e-sayee se afsos to ye hai
Sahil tha haath bhar pe lagate jo char haath
Aati hai jab naseem to kehti hai mauj-e-bahr
Yun aabroo sameit agar hoon hazar haath
Dar-paye hain mere qatl ke ahbab aur main
Khush hoon ke mere khoon mein rangte hain yaar haath
Daman-kashan chali hai badan se nikal ke rooh
Khinchte hain phailte hain jo yun bar bar haath
Mitta nahin nawishta-e-qismat kisi tarah
Patthar se sar ko phod keh zanu pe maar haath
Saqi sambhalna ke hai labrez jam-e-may
Laghzish hai mere paon mein aur ra'sha-daar haath
Mutrib se pooch masla-e-jabr o ikhtiyar
Kya taal sam pe uthte hain be-ikhtiyar haath
Main aur hoon alaaiq-e-dunya ke daam mein
Mera na ek haath na us ke hazar haath
Aye Nazm wasl mein bhi raha tu na chain se
Dil ko hua qarar to hai be-qarar haath
شاعر کے بارے میں
نظم طباطبائی اردو ادب کے اُن معتبر اور نستعلیق لہجے کے حامل شعرا میں شمار ہوتے ہیں جنہوں نے غزل اور نظم دونوں میں کلاسیکی جمالیات کو جدید عصری حسّی...
مکمل تعارف پڑھیں