ہنسی میں وہ بات میں نے کہہ دی کہ رہ گئے آپ دنگ ہو کر — نظم طباطبائی
شاعر
ہنسی میں وہ بات میں نے کہہ دی کہ رہ گئے آپ دنگ ہو کر
ہنسی میں وہ بات میں نے کہہ دی کہ رہ گئے آپ دنگ ہو کر
چھپا ہوا تھا جو راز دل میں کھلا وہ چہرہ کا رنگ ہو کر
ہمیشہ کوچ و مقام اپنا رہا ہے خضر رہ طریقت
رکا تو میں سنگ میل بن کر چلا تو آواز چنگ ہو کر
نہ توڑتے آرسی اگر تم تو اتنے یوسف نظر نہ آتے
یہ قافلہ کھینچ لائی سارا شکست آئینہ زنگ ہو کر
شباب و پیری کا آنا جانا غضب کا پر درد ہے فسانہ
یہ رہ گئی بن کے گرد حسرت وہ اڑ گیا رخ سے رنگ ہو کر
جو راز دل سے زباں تک آیا تو اس کو قابو میں پھر نہ پایا
زباں سے نکلا کلام بن کر کماں سے چھوٹا خدنگ ہو کر
غضب ہے بحر فنا کا دھارا کہ مجھ کو الجھا کے مارا مارا
نفس نے موجوں کا جال بن کر لحد نے کام نہنگ ہو کر
ملا دل نا حفاظ مجھ کو تو کیا کسی کا لحاظ مجھ کو
کہیں گریباں نہ پھاڑ ڈالیں جناب ناصح بھی تنگ ہو کر
جو اب کی مینائے مے کو توڑا چلے گی تلوار محتسب سے
لہو بھی رندوں کا دیکھ لینا بہا مئے لالہ رنگ ہو کر
نہ ضبط سے شکوہ لب تک آیا نہ صبر نے آہ کھینچنے دی
رہا دہن میں وہ قفل بن کر گرایا چھاتی پہ سنگ ہو کر
سمجھ لے صوفی اگر یہ نکتہ ہے ایک بزم سماع ہستی
تو نو پیالے یہ آسماں کے بجیں ابھی جل ترنگ ہو کر
بھلا ہو افسردہ خاطری کا کہ حسرتوں کو دبا کے رکھا
بچا لیا ہرزگی سے اس نے لحاظ ناموس و ننگ ہو کر
جگر خراشی سے پائی فرصت نہ سینہ کاوی سے ناخنوں نے
گلا گریباں نے گھونٹ ڈالا جنوں کی شورش سے تنگ ہو کر
بدل کے دنیا نے بھیس صدہا اسے ڈرایا اسے لبھایا
کبھی زن پیر زال بن کر کبھی بت شوخ و شنگ ہو کر
اٹھے تھے تلوار کھینچ کر تم تو پھر تأمل نہ چاہئے تھا
کہ رہ گئی میرے دل کی حسرت شہید تیغ درنگ ہو کر
جو ولولے تھے وہ دب گئے سب ہجوم لیت و لعل میں حیدرؔ
جو حوصلے تھے وہ دل ہی دل میں رہے دریغ و درنگ ہو کر
Hansi mein wo baat main ne keh di ke reh gaye aap dang ho kar
Hansi mein wo baat main ne keh di ke reh gaye aap dang ho kar
Chhupa hua tha jo raaz-e-dil mein khula wo chehra ka rang ho kar
Hamesha koch o muqaam apna raha hai Khizr rah-e-tareeqat
Ruka to main sang-e-meel ban kar chala to awaaz-e-chang ho kar
Na todte aarsi agar tum to itne Yusuf nazar na aate
Ye qaafila kheench laayi sara shikast-e-aaina zang ho kar
Shabab o peeri ka aana jana ghazab ka pur-dard hai fasana
Ye reh gayi ban ke gard-e-hasrat wo ud gaya rukh se rang ho kar
Jo raaz-e-dil se zaban tak aaya to us ko qabu mein phir na paya
Zaban se nikla kalam ban kar kaman se chhoota khadang ho kar
Ghazab hai bahr-e-fana ka dhara ke mujh ko uljha ke mara mara
Nafas ne maujon ka jaal ban kar lahad ne kaam-e-nahang ho kar
Mila dil-e-na-hifaaz mujh ko to kya kisi ka lihaaz mujh ko
Kahin gareban na phaad dalen janab-e-naaseh bhi tang ho kar
Jo ab ki meena-e-may ko toda chalegi talwar mohtasib se
Lahu bhi rindon ka dekh lena baha-e-may-e-lala-rang ho kar
Na zabt se shikwa lab tak aaya na sabr ne aah khinchne di
Raha dahan mein wo qufl ban kar giraya chhati pe sang ho kar
Samajh le sufi agar ye nukta hai ek bazm-e-sama'a-e-hasti
To nau piyale ye aasman ke bajen abhi jal-tarang ho kar
Bhala ho afsurda-khatiri ka ke hasraton ko daba ke rakha
Bacha liya harzagi se us ne lihaaz-e-namoos o nang ho kar
Jigar-kharashi se paayi fursat na seena-kavi se nakhunon ne
Gala gareban ne ghont dala junoon ki shorish se tang ho kar
Badal ke dunya ne bhes sadha use daraya use lubhaya
Kabhi zan-e-peer-e-zaal ban kar kabhi but-e-shokh o shung ho kar
Uthe the talwar khinch kar tum to phir taammul na chahiye tha
Ke reh gayi mere dil ki hasrat shaheed-e-tegh-e-darang ho kar
Jo walwale the wo dab gaye sab hujoom-e-lait-o-la'al mein Haidar
Jo hausle the wo dil hi dil mein rahe daregh o darang ho kar
شاعر کے بارے میں
نظم طباطبائی اردو ادب کے اُن معتبر اور نستعلیق لہجے کے حامل شعرا میں شمار ہوتے ہیں جنہوں نے غزل اور نظم دونوں میں کلاسیکی جمالیات کو جدید عصری حسّی...
مکمل تعارف پڑھیں