اس واسطے عدم کی منزل کو ڈھونڈتے ہیں — نظم طباطبائی
شاعر
اس واسطے عدم کی منزل کو ڈھونڈتے ہیں
اس واسطے عدم کی منزل کو ڈھونڈتے ہیں
مدت سے دوستوں کی محفل کو ڈھونڈتے ہیں
یہ دل کے پار ہو کر پھر دل کو ڈھونڈتے ہیں
تیر نگاہ اس کے بسمل کو ڈھونڈتے ہیں
اک لہر میں نہ تھے ہم کیوں اے حباب دیکھا
یوں آنکھ بند کر کے ساحل کو ڈھونڈتے ہیں
طرز کرم کی شاہد ہیں میوہ دار شاخیں
اس طرح سر جھکا کر سائل کو ڈھونڈتے ہیں
ہے وصل و ہجر اپنا اے قیس طرفہ مضموں
محمل میں بیٹھے ہیں اور محمل کو ڈھونڈتے ہیں
طول امل کا رستہ ممکن نہیں کہ طے ہو
منزل پہ بھی پہنچ کر منزل کو ڈھونڈتے ہیں
حسرت شباب کی ہے ایام شیب میں بھی
معدوم کی ہوس ہے زائل کو ڈھونڈتے ہیں
اٹھتے ہیں ولولے کچھ ہر بار درد بن کر
کیا جانیے جگر کو یا دل کو ڈھونڈتے ہیں
زخم جگر کا میرے ہے رشک دوستوں کو
مرتا ہوں میں کہ یہ کیوں قاتل کو ڈھونڈتے ہیں
اہل ہوس کی کشتی یک بام و دو ہوا ہے
دریائے عشق میں بھی ساحل کو ڈھونڈتے ہیں
آیا جو رحم مجھ پر اس میں بھی چال ہے کچھ
سینہ پہ ہاتھ رکھ کر اب دل کو ڈھونڈتے ہیں
کرتے ہیں کار فرہاد آساں زمین میں بھی
مشکل پسند ہیں ہم مشکل کو ڈھونڈتے ہیں
اے خضر پئے خجستہ بہر خدا کرم کر
بھٹکے ہوئے مسافر منزل کو ڈھونڈتے ہیں
دل خواہ تیرے عشوے دل جو ترے اشارے
وہ دل ٹٹولتے ہیں یہ دل کو ڈھونڈتے ہیں
اے نظمؔ کیا بتائیں حج و طواف اپنا
کعبے میں بھی کسی کی محمل کو ڈھونڈتے ہیں
Is waaste adam ki manzil ko dhundte hain
Is waaste adam ki manzil ko dhundte hain
Muddat se doston ki mehfil ko dhundte hain
Ye dil ke paar ho kar phir dil ko dhundte hain
Teer-e-nigah us ke bismil ko dhundte hain
Ek lahar mein na the hum kyun aye habab dekha
Yun aankh band kar kar ke sahil ko dhundte hain
Tarz-e-karam ki shahid hain mewa-daar shakhein
Is tarah sar jhuka kar saail ko dhundte hain
Hai wasl o hijr apna aye Qais turfa mazmoon
Mahmil mein baithe hain aur mahmil ko dhundte hain
Tul-e-amal ka rasta mumkin nahin ke tay ho
Manzil pe bhi pahunch kar manzil ko dhundte hain
Hasrat-e-shabab ki hai ayam-e-shaib mein bhi
Ma'doom ki havas hai zaail ko dhundte hain
Uthte hain walwale kuch har baar dard ban kar
Kya jaaniye jigar ko ya dil ko dhundte hain
Zakhm-e-jigar ka mere hai rashk doston ko
Marta hoon main ke ye kyun qatil ko dhundte hain
Ahl-e-havas ki kashti yak baam o do hawa hai
Darya-e-ishq mein bhi sahil ko dhundte hain
Aaya jo raham mujh par is mein bhi chaal hai kuch
Seena pe haath rakh kar ab dil ko dhundte hain
Karte hain kaar-e-Farhad asaan zameen mein bhi
Mushkil pasand hain hum mushkil ko dhundte hain
Aye Khizr paye khujasta behr-e-Khuda karam kar
Bhatke hue musafir manzil ko dhundte hain
Dil khwah tere ishwa-e-dil jo tere ishaare
Wo dil tatolte hain ye dil ko dhundte hain
Aye Nazm kya batayen hajj o tawaf apna
Kaabe mein bhi kisi ki mahmil ko dhundte hain
شاعر کے بارے میں
نظم طباطبائی اردو ادب کے اُن معتبر اور نستعلیق لہجے کے حامل شعرا میں شمار ہوتے ہیں جنہوں نے غزل اور نظم دونوں میں کلاسیکی جمالیات کو جدید عصری حسّی...
مکمل تعارف پڑھیں