جنوں کے ولولے جب گھٹ گئے دل میں نہاں ہو کر — نظم طباطبائی
شاعر
جنوں کے ولولے جب گھٹ گئے دل میں نہاں ہو کر
جنوں کے ولولے جب گھٹ گئے دل میں نہاں ہو کر
تو اٹھے ہیں دھواں ہو کر گرے ہیں بجلیاں ہو کر
کچھ آگے بڑھ چلے سامان راحت لا مکاں ہو کر
فلک پیچھے رہا جاتا ہے گرد کارواں ہو کر
کسی دن تو چلے اے آسماں باد مراد ایسی
کہ اتریں کشتئ مے پر گھٹائیں بادباں ہو کر
نہ جانے کس بیاباں مرگ نے مٹی نہیں پائی
بگولے جا رہے ہیں کارواں در کارواں ہو کر
وفور ضبط سے بیتابیٔ دل بڑھ نہیں سکتی
گلے تک آ کے رہ جاتے ہیں نالے ہچکیاں ہو کر
گلو گیر اب تو ایسا انقلاب رنگ عالم ہے
کہ نغمے نکلے منقار عنادل سے فغاں ہو کر
جو ہو کر ابر سے مایوس خود سینچے کبھی دہقاں
جلا دیں کھیت کو پانی کی لہریں بجلیاں ہو کر
جہاں میں واشد خاطر کے ساماں ہو گئے لاشے
جگہ راحت کی نا ممکن ہوئی ہے لا مکاں ہو کر
ہنسے کوئی نہ بجلی کے سوا اس دار ماتم میں
اگر رہ جائے سارا کھیت کشت زعفراں ہو کر
الم میں آشیاں کے اس قدر تنکے چنے میں نے
کہ آخر باعث تسکیں ہوے ہیں آشیاں ہو کر
گھٹائیں گھر کے کیا کیا حسرت فرہاد پر روئیں
چمن تک آ گئیں نہریں پہاڑوں سے رواں ہو کر
دل شیدا نے پایا عشق میں معراج کا رتبہ
یہاں اکثر بتوں کے ظلم ٹوٹے آسماں ہو کر
جو ڈرتے ڈرتے دل سے ایک حرف شوق نکلا تھا
وہ اس کے سامنے آیا زباں پر داستاں ہو کر
نکل آئے ہیں ہر اقرار میں انکار کے پہلو
بنا دیتی ہیں حیراں تیری باتیں مکر یاں ہو کر
نزاکت کا یہ عالم پھول بھی توڑے تو بل کھا کر
نہ جانے دل مرا کس طرح توڑا پہلواں ہو کر
تدرو و کبک پر ہنس کر اٹھے خود لڑکھڑاتے ہیں
سبک کرتے ہیں ان کو پائنچے بار گراں ہو کر
گلا گھونٹا ہے ضبط غم نے کچھ ایسا کہ مشکل ہے
کہ نکلے منہ سے آواز شکست دل فغاں ہو کر
پتہ اندیشۂ سالک نے پایا منزل دل کا
تو پلٹا لا مکاں سے آسماں در آسماں ہو کر
ہوئی پھر دیکھیے آ بستن شادی و غم دنیا
ابھی پیدا ہوئے تھے رنج و راحت تو اماں ہو کر
جو نکلی ہوگی کوئی آرزو تو یہ بھی نکلے گا
تمہارا تیر حسرت بن گیا دل میں نہاں ہو کر
اتر جائے گا تو او آفتاب حسن کوٹھے سے
گرے گا سایۂ دیوار ہم پر آسماں ہو کر
Junoon ke walwale jab ghut gaye dil mein nihan ho kar
Junoon ke walwale jab ghut gaye dil mein nihan ho kar
To uthe hain dhuan ho kar gire hain bijliyan ho kar
Kuch aage badh chale saamaan-e-rahat la-makaan ho kar
Falak pichhe raha jata hai gard-e-karwan ho kar
Kisi din to chale aye aasman baad-e-murad aisi
Ke utren kashti-e-may par ghatayen baadbaan ho kar
Na jane kis bayaban-e-marg ne mitti nahin paayi
Bagule ja rahe hain karwan dar karwan ho kar
Wafoor-e-zabt se betaabi-e-dil badh nahin sakti
Gale tak aa ke reh jate hain nale hichkiyan ho kar
Gulu-geer ab to aisa inqilab-e-rang-e-alam hai
Ke naghme nikle minqar-e-anadil se fughan ho kar
Jo ho kar abr se mayus khud seenchay kabhi dehkaan
Jala den khet ko pani ki lahren bijliyan ho kar
Jahan mein waashud-e-khatir ke samaan ho gaye lashe
Jagah rahat ki na mumkin hui hai la-makaan ho kar
Hanste koi na bijli ke siwa is dar-e-matam mein
Agar reh jaye sara khet-e-kusht-e-za'afraan ho kar
Alam mein aashiyan ke is qadar tinke chune main ne
Ke aakhir baais-e-taskin hue hain aashiyan ho kar
Ghatayen ghar ke kya kya hasrat-e-Farhad par royin
Chaman tak aa gayin nahren pahadon se rawan ho kar
Dil-e-shaida ne paya ishq mein me'raj ka rutba
Yahan aksar buton ke zulm toote aasman ho kar
Jo darte darte dil se ek harf-e-shauq nikla tha
Wo us ke samne aaya zaban par daastan ho kar
Nikal aaye hain har iqrar mein inkar ke pahlu
Bana deti hain hairan teri batein makkiyan ho kar
Nazakat ka ye aalam phool bhi tode to bal kha kar
Na jane dil mera kis tarah toda pahlu raan ho kar
Tazrav o kabk par hans kar uthe khud ladkhadate hain
Sabaq karte hain un ko paanchon baar girana ho kar
Gala ghonta hai zabt-e-gham ne kuch aisa ke mushkil hai
Ke nikle munh se awaaz-e-shikast-e-dil fughan ho kar
Pata andesha-e-salik ne paya manzil-e-dil ka
To palta la-makaan se aasman dar aasman ho kar
Hui phir dekhiye aa bastan-e-shadi o gham-e-dunya
Abhi paida hue the ranj o rahat to amaan ho kar
Jo nikli hogi koi aarzoo to ye bhi niklega
Tumhara teer-e-hasrat ban gaya dil mein nihan ho kar
Utar jayega to o aaftab-e-husn kothe se
Girega saya-e-diwar hum par aasman ho kar
شاعر کے بارے میں
نظم طباطبائی اردو ادب کے اُن معتبر اور نستعلیق لہجے کے حامل شعرا میں شمار ہوتے ہیں جنہوں نے غزل اور نظم دونوں میں کلاسیکی جمالیات کو جدید عصری حسّی...
مکمل تعارف پڑھیں