کسی سے بس کہ امید کشود کار نہیں — نظم طباطبائی
شاعر
کسی سے بس کہ امید کشود کار نہیں
کسی سے بس کہ امید کشود کار نہیں
مجھے اجل کے بھی آنے کا اعتبار نہیں
جواب نامہ کا قاصد مزار پر لایا
کہ جانتا تھا اسے تاب انتظار نہیں
یہ کہہ کے اٹھ گئی بالیں سے میری شمع سحر
تمام ہو گئی شب اور تجھے قرار نہیں
جو تو ہو پاس تو حور و قصور سب کچھ ہو
جو تو نہیں تو نہیں بلکہ زینہار نہیں
خزاں کے آنے سے پہلے ہی تھا مجھے معلوم
کہ رنگ و بوئے چمن کا کچھ اعتبار نہیں
غزل کہی ہے کہ موتی پروئے ہیں اے نظمؔ
وہ کون شعر ہے جو در شاہوار نہیں
Kisi se bas ke ummeed-e-kushood-e-kaar nahin
Kisi se bas ke ummeed-e-kushood-e-kaar nahin
Mujhe ajal ke bhi aane ka aitbar nahin
Jawab-e-nama ka qasid mazaar par laya
Ke janta tha use taab-e-intezar nahin
Ye keh ke uth gayi balin se meri shama-e-sahar
Tamam ho gayi shab aur tujhe qarar nahin
Jo tu ho paas to hoor o qasoor sab kuch ho
Jo tu nahin to nahin balke zinhar nahin
Khazan ke aane se pehle hi tha mujhe maloom
Ke rang o boo-e-chaman ka kuch aitbar nahin
Ghazal kahi hai ke moti piroye hain aye Nazm
Wo kaun sher hai jo dur-e-shahwar nahin
شاعر کے بارے میں
نظم طباطبائی اردو ادب کے اُن معتبر اور نستعلیق لہجے کے حامل شعرا میں شمار ہوتے ہیں جنہوں نے غزل اور نظم دونوں میں کلاسیکی جمالیات کو جدید عصری حسّی...
مکمل تعارف پڑھیں