کوئی مے دے یا نہ دے ہم رند بے پروا ہیں آپ — نظم طباطبائی
شاعر
کوئی مے دے یا نہ دے ہم رند بے پروا ہیں آپ
کوئی مے دے یا نہ دے ہم رند بے پروا ہیں آپ
ساقیا اپنی بغل میں شیشۂ صہبا ہیں آپ
غافل و ہشیار وہ تمثال یک آئینہ ہیں
ورطۂ حیرت میں ناداں آپ ہیں دانا ہیں آپ
کیوں رہے میری دعا منت کش بال ملک
نالۂ مستانہ میرے آسماں پیما ہیں آپ
ہے تعجب خضر کو اور آب حیواں کی طلب
اور پھر عزلت گزین دامن صحرا ہیں آپ
منزل طول امل درپیش اور مہلت ہے کم
راہ کس سے پوچھئے حیرت میں نقش پا ہیں آپ
حق سے طالب دید کے ہوں ہم بصیر ایسے نہیں
ہم کو جو کوتہ نظر سمجھیں وہ نا بینا ہیں آپ
گل ہمہ تن زخم ہیں پھر بھی ہمہ تن گوش ہیں
بے اثر کچھ نالہ ہائے بلبل شیدا ہیں آپ
حرص سے شکوہ کروں کیا ہاتھ پھیلانے کا میں
کہتی ہے وہ اپنے ہاتھوں خلق میں رسوا ہیں آپ
ہم سے اے اہل تنعم منہ چھپانا چاہئے
دم بھرا کرتے ہیں ہم اور آئنہ سیما ہیں آپ
Koi may de ya na de hum rind-e-be-parwa hain aap
Koi may de ya na de hum rind-e-be-parwa hain aap
Saqiya apni baghal mein shisha-e-sahba hain aap
Ghafil o hushyar wo timsaal-e-yak aaina hain
Warta-e-hairat mein nadan aap hain dana hain aap
Kyun rahe meri dua minnat kash-e-baal-e-malak
Nala-e-mastana mere aasman-paima hain aap
Hai ta'ajjub Khizr ko aur aab-e-hayawan ki talab
Aur phir uzlat-guzin daman-e-sahra hain aap
Manzil-e-tul-e-amal darpesh aur mohlat hai kam
Rah kis se puchhiye hairat mein naqsh-e-pa hain aap
Haq se talib-e-deed ke hoon hum baseer aise nahin
Hum ko jo kotah nazar samjhen wo na-beena hain aap
Gul hama tan zakhm hain phir bhi hama tan gosh hain
Be-asar kuch nala-haye bulbul-e-shaida hain aap
Hirs se shikwa karun kya haath phailane ka main
Kehti hai wo apne hathon khalq mein ruswa hain aap
Hum se aye ahl-e-tana'um munh chhupana chahiye
Dam bhara karte hain hum aur aaina-seema hain aap
شاعر کے بارے میں
نظم طباطبائی اردو ادب کے اُن معتبر اور نستعلیق لہجے کے حامل شعرا میں شمار ہوتے ہیں جنہوں نے غزل اور نظم دونوں میں کلاسیکی جمالیات کو جدید عصری حسّی...
مکمل تعارف پڑھیں