ندامت ہے بنا کر اس چمن میں آشیاں مجھ کو — نظم طباطبائی
شاعر
ندامت ہے بنا کر اس چمن میں آشیاں مجھ کو
ندامت ہے بنا کر اس چمن میں آشیاں مجھ کو
ملا ہمدم یہاں کوئی نہ کوئی ہم زباں مجھ کو
دکھائے جا روانی توسن عمر رواں مجھ کو
ہلال برق سے رکھ ہم رکاب و ہم عناں مجھ کو
بنایا ناتوانی نے سلیمان زماں مجھ کو
اڑا کر لے چلے موج نسیم بوستاں مجھ کو
دم صبح ازل سے میں نوا سنجوں میں ہوں تیرے
بتایا بلبل سدرہ نے انداز فغاں مجھ کو
مری باتوں میں کیا معلوم کب سوئے وہ کب جاگے
سرے سے اس لیے کہنی پڑی پھر داستاں مجھ کو
بہا کر قافلہ سے دور جسم زار کو پھینکا
کہ موج سیل تھی بانگ درائے کارواں مجھ کو
یہ دل کی بے قراری خاک ہو کر بھی نہ جائے گی
سناتی ہے لب ساحل سے یہ ریگ رواں مجھ کو
اڑائی خاک جس صحرا میں تیرے واسطے میں نے
تھکا ماندہ ملا ان منزلوں میں آسماں مجھ کو
تصور شمع کا جس کو جلا دے ہوں وہ پروانہ
لگ اٹھی آگ دل میں جب نظر آیا دھواں مجھ کو
وہ جس عالم میں جا پہنچا وہاں میں کس طرح جاؤں
ہوا دل آپ سے باہر پنہا کر بیڑیاں مجھ کو
غبار راہ سے اے نظمؔ یہ آواز آتی ہے
گئی اے عمر رفتہ تو کدھر پھینکا کہاں مجھ کو
Nidamat hai bana kar is chaman mein aashiyan mujh ko
Nidamat hai bana kar is chaman mein aashiyan mujh ko
Mila hamdam yahan koi na koi hum-zaban mujh ko
Dikhaaye ja rawani tausn-e-umar-e-rawan mujh ko
Hilal-e-barq se rakh hum-rakab o hum-inan mujh ko
Banaya natwani ne Sulaiman-e-zaman mujh ko
Uda kar le chale mauj-e-naseem-e-boostan mujh ko
Dam-e-subh-e-azal se main nawa-sanjon mein hoon tere
Bataya bulbul-e-sidra ne andaaz-e-fughan mujh ko
Meri baton mein kya maloom kab soye wo kab jage
Saray se is liye kehni padi phir daastan mujh ko
Baha kar qaafila se dur jism-e-zaar ko phenka
Ke mauj-e-sail thi bang-e-dara-e-karwan mujh ko
Ye dil ki be-qarari khak ho kar bhi na jaegi
Sunati hai lab-e-sahil se ye raig-e-rawan mujh ko
Udayi khak jis sahra mein tere waaste main ne
Thaka manda mila in manzilon mein aasman mujh ko
Tasavvur shama ka jis ko jala de hoon wo parwana
Lag uthi aag dil mein jab nazar aaya dhuan mujh ko
Wo jis aalam mein ja pahuncha wahan main kis tarah jaaun
Hua dil aap se bahar pinhan kar bediyan mujh ko
Ghubaar-e-rah se aye Nazm ye awaaz aati hai
Gayi aye umar-e-rafta tu kidhar phenka kahan mujh ko
شاعر کے بارے میں
نظم طباطبائی اردو ادب کے اُن معتبر اور نستعلیق لہجے کے حامل شعرا میں شمار ہوتے ہیں جنہوں نے غزل اور نظم دونوں میں کلاسیکی جمالیات کو جدید عصری حسّی...
مکمل تعارف پڑھیں