سنگ جفا کا غم نہیں دست طلب کا ڈر نہیں — نظم طباطبائی
شاعر
سنگ جفا کا غم نہیں دست طلب کا ڈر نہیں
سنگ جفا کا غم نہیں دست طلب کا ڈر نہیں
اپنا ہے اس پر آشیاں نخل جو بارور نہیں
سنتے ہو اہل قافلہ میں کوئی راہ بر نہیں
دیکھ رہا ہوں تم میں سے ایک بھی راہ پر نہیں
موت کا گھر ہے آسماں اس سے کہیں مفر نہیں
نکلیں تو کوئی در نہیں بھاگیں تو رہ گزر نہیں
پہلے جگر پر آہ کا نام نہ تھا نشاں نہ تھا
آخر کار یہ ہوا آہ تو ہے جگر نہیں
صبح ازل سے تا ابد قصہ نہ ہوگا یہ تمام
جور فلک کی داستاں ایسی بھی مختصر نہیں
برگ خزاں رسیدہ ہوں چھیڑ نہ مجھ کو اے نسیم
ذوق فغاں کا ہے مجھے شکوۂ ابر تر نہیں
منکر حشر ہے کدھر دیکھے تو آنکھ کھول کر
حشر کی جو خبر نہ دے ایسی کوئی سحر نہیں
شبنم و گل کو دیکھ کر وجد نہ آئے کس طرح
خندہ بے سبب نہیں گریہ بے اثر نہیں
تیرے فقیر کا غرور تاجوروں سے ہے سوا
طرف کلہ میں دے شکن اس کو یہ درد سر نہیں
کوشک و قصر و بام و در تو نے بنا کئے تو کیا
حیف ہے خانماں خراب دل میں کسی کے گھیر نہیں
نالہ کشی رقیب سے میری طرح محال ہے
دل نہیں حوصلہ نہیں زہرہ نہیں جگر نہیں
شاطر پیر آسماں واہ ری تیری دست برد
خسرو و کیقباد کی تیغ نہیں کمر نہیں
شان کریم کی یہ ہے ہاں سے ہو پیشتر عطا
لطف عطا کا کیا ہو جب ہاں سے ہو پیشتر نہیں
لاکھ وہ بے رخی کرے لاکھ وہ کج روی کرے
کچھ تو ملال اس کا ہو دل کو مرے مگر نہیں
سن کے برا نہ مانئے سچ کو نہ جھوٹ جانئے
ذکر ہے کچھ گلہ نہیں بات ہے نیشتر نہیں
Sang-e-jafa ka gham nahin dast-e-talab ka dar nahin
Sang-e-jafa ka gham nahin dast-e-talab ka dar nahin
Apna hai is par aashiyan nakhl jo baarwar nahin
Sunte ho ahl-e-qaafila mein koi rahbar nahin
Dekh raha hoon tum mein se ek bhi rah par nahin
Maut ka ghar hai aasman is se kahin mafar nahin
Niklen to koi dar nahin bhagen to rahguzar nahin
Pehle jigar par aah ka naam na tha nishan na tha
Aakhir kaar ye hua aah to hai jigar nahin
Subh-e-azal se ta abad qissa na hoga ye tamam
Jaur-e-falak ki dastan aisi bhi mukhtasar nahin
Barg-e-khazan-raseeda hoon chhed na mujh ko aye naseem
Zauq-e-fughan ka hai mujhe shikwa-e-abr-e-tar nahin
Munkir-e-hashr hai kidhar dekhe to aankh khol kar
Hashr ki jo khabar na de aisi koi sahar nahin
Shabnam o gul ko dekh kar wajd na aaye kis tarah
Khanda-e-be-sabab nahin girya-e-be-asar nahin
Tere faqeer ka ghuroor tajwaron se hai siwa
Taraf-e-kulah mein de shikan is ko ye dard-e-sar nahin
Koshak o qasr o baam o dar tu ne bana kiye to kya
Haif hai khanamankharab dil mein kisi ke gher nahin
Nala-kashi raqeeb se meri tarah mahal hai
Dil nahin hausla nahin zohra nahin jigar nahin
Shater-e-peer-e-aasman wah re teri dast-burd
Khusrau o Kaiqobad ki tegh nahin kamar nahin
Shan-e-kareem ki ye hai han se ho peshtar ata
Lutf-e-ata ka kya ho jab han se ho peshtar nahin
Lakh wo be-rukhi kare lakh wo kaj-rawi kare
Kuch to malal is ka ho dil ko mere magar nahin
Sun ke bura na maaniye sach ko na jhoot jaaniye
Zikr hai kuch gila nahin baat hai nishtar nahin
شاعر کے بارے میں
نظم طباطبائی اردو ادب کے اُن معتبر اور نستعلیق لہجے کے حامل شعرا میں شمار ہوتے ہیں جنہوں نے غزل اور نظم دونوں میں کلاسیکی جمالیات کو جدید عصری حسّی...
مکمل تعارف پڑھیں