کیا کریں لوگ جب خدا ہو جائیں (احمد فراز)

ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی طور پر احمد شاہ کوہاٹی کے نام سے شاعری کرتے تھے بعد میں فیص احمد فیض کے مشورے سے احمد فراز کا نام اپنایا۔ احمد فراز کے خاندان میں ادبی رجحانات نمایاں تھے اور ان کے بھائی مسعود کوثر بعد میں خیبر پختونخواہ کے گورنر بھی رہے۔ فراز نے ابتدائی تعلیم کے بعد ایڈورڈز کالج اور یونیورسٹی آف پشاور سے اردو اور فارسی میں ماسٹرز مکمل کیا، اور طالب علمی کے زمانے سے ہی ان پر فیض احمد فیض اور علی سردار جعفری جیسے ادیبوں کا اثر نمایاں رہا۔ِادبی زندگی کا آغاز احمد فراز نے ریڈیو پاکستان پشاور میں اسکرپٹ رائٹر کے طور پر کیا اور بعد میں پشاور یونیورسٹی میں اردو کے لیکچرر بھی رہے۔ وہ مختلف علمی و ادبی اداروں جیسے پاکستان اکیڈمی آف لیٹرز اور نیشنل بک فاؤنڈیشن میں اہم عہدوں پر فائز ہوئے اور ادبی پروگراموں و مشاعروں میں فعال کردار ادا کرتے رہے۔ ان کی شاعری میں رومانوی...