پل دو پل کا شاعرہوں پل دو پل میری کہانی ہے (ساحر لدھیانوی)

اردو ادب اور بھارتی فلم نگری کا وہ شاعر جس نے لفظوں کو صرف جذبات نہیں، شعور بھی دیا ساحر لدھیانوی جن کا اصل نام عبدالحئی تھا، 8 مارچ 1921 کو لدھیانہ میں پیدا ہوئے، بچپن میں ہی والدین کی علیحدگی نے ان کے مزاج میں ایک گہری اداسی اور بغاوت پیدا کر دی، گورنمنٹ کالج لدھیانہ سے تعلیم حاصل کی مگر بائیں بازو کے نظریات کے باعث کالج سے نکال دیے گئے۔ قیامِ پاکستان کے بعد کچھ عرصہ لاہور میں رہے، مگر نظریاتی اختلافات اور آزادی اظہار کے خوف کے باعث جلد ہی 1949 میں ممبئی بھارت واپس چلے گئے، جہاں انہوں نے فلمی دنیا میں بطور نغمہ نگار اپنی شناخت قائم کی، اُن کی پہلی کتاب "تلخیاں" نے انہیں اردو شاعری کے روشن ستاروں میں شامل کر دیا۔ ساحر کی شاعری میں محبت کے ساتھ سماجی ناانصافی، طبقاتی فرق اور امنِ عالم کی تڑپ نمایاں نظر آتی ہے۔ وہ نہ صرف حساس شاعر تھے بلکہ خوددار انسان بھی یہی وجہ تھی کہ انہوں نے فلم پروڈیوسروں سے رائلٹی کا حق لینے کی روایت ڈالی، جو آج تک جاری ہے۔ مگر انہوں نے زندگی بھر کبھی کسی ا...