آگ کے ساتھ میں بہتا ہوا پانی سننا — امیر امام
شاعر
آگ کے ساتھ میں بہتا ہوا پانی سننا
آگ کے ساتھ میں بہتا ہوا پانی سننا
رات بھر اپنے عناصر کی سنانی سننا
دیکھنا روز اندھیروں میں شعاعوں کی نمو
پتھروں میں کسی دریا کی روانی سننا
وہ سنائیں گی کبھی میری کہانی تم کو
تم ہواؤں سے کبھی میری کہانی سننا
میری خاموشی مری مشق ہے اس مشق میں تم
مار کر تیر مری تشنہ دہانی سننا
عمر نا کافی ہے اس ہجرت اول کے لیے
پھر جنم لوں تو مری ہجرت ثانی سننا
کم سنی پر ہے عجب حال تمہارا یارو
سن لو آسان نہیں اس کی جوانی سننا
گیت میرے جو پسند آتے ہیں اتنے تم کو
انہیں گیتوں کی کبھی مرثیہ خوانی سننا
کیا نیا تم کو سناؤں کہ نیا کچھ بھی نہیں
نئے لفظوں میں وہی بات پرانی سننا
امیر امام
Aag ke saath mein behta hua paani sun'na
Aag ke saath mein behta hua paani sun'na
Raat bhar apne anasir ki sunaani sun'na
Dekhna roz andheron mein shua'on ki namoo
Pattharon mein kisi darya ki rawani sun'na
Woh sunayengi kabhi meri kahani tum ko
Tum hawaaon se kabhi meri kahani sun'na
Meri khamoshi meri mashq hai us mashq mein tum
Maar kar teer meri tishna dahani sun'na
Umar na kaafi hai is hijrat-e-awwal ke liye
Phir janam loon to meri hijrat-e-saani sun'na
Kam sini par hai ajab haal tumhara yaaro
Sun lo aasaan nahin us ki jawani sun'na
Geet mere jo pasand aate hain itne tum ko
Unhein geeton ki kabhi marsiya khwaani sun'na
Kya naya tum ko sunaun ke naya kuch bhi nahin
Naye lafzon mein wohi baat purani sun'na
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں