تبرک — امیر امام
شاعر
تبرک
یہ میری زندگی بھی ایک مجلس ہے
محرم والی مجلس
یہ جاری ہے
نہ جانے کب تلک جاری رہے گی
ابھی تک تو بڑی موٹی بیاضیں ہاتھ میں تھامے ہوئے دو چار نوحہ خوان باقی ہیں
اک تو پہلے ہی بہت تاخیر اس میں ہو چکی تھی
وہ کافی دیر سے آئے تھے
جن کو سوز پڑھنا تھا
سب اپنی اپنی باتیں کر رہے تھے
میں بھی اک کونے میں بیٹھا دیر تک سنتا رہا سب کی
وہ آئے سوز خوانی کی
اور اس کے بعد مولانا نے بھی تقریر فرمائی
فضائل آئے تو میں نے بھی سب کے ساتھ میں نعرے لگائے
مصائب آئے تو رویا
اور اب حلقے میں ماتم کر رہا ہوں میں
شبیہیں قمقمے طغرے
عزا خانے میں چھائی ہر طرف لوبان کی خوشبو
مقدس ہیں بہت اچھے ہیں
لیکن کیوں کہ ماتم کر رہا ہوں میں
تو میرے ہاتھ تھکتے جا رہے ہیں
میں دبلا پتلا لڑکا ہوں
چلو میرا عقیدہ ہی بہت کمزور ہو گا
مگر میں چاہتا ہوں
ذرا سی دیر کو حلقے سے ہٹ کر ایک سگریٹ پھونک ہی آؤں
پر ایسا کر نہیں سکتا میں
کیوں کہ بانیٔ مجلس عزا خانے کے دروازے پہ بیٹھا ہے
اور تبرک تو اسی کو بانٹنا ہے
تو ماتم کر رہا ہوں میں
تو میں ماتم کروں گا
چاہے کچھ ہو
کیوں کہ اب سب کے برابر ہی تبرک چاہیئے مجھ کو
امیر امام
Tabarruk
Ye meri zindagi bhi ek majlis hai
Muharram waali majlis
Ye jaari hai
Na jaane kab talak jaari rahegi
Abhi tak to badi moti bayaazein haath mein thaame hue do chaar nauha khwan baaqi hain
Ek to pehle hi bahut taakhir is mein ho chuki thi
Woh kaafi der se aaye the
Jin ko soz padhna tha
Sab apni apni baatein kar rahe the
Main bhi ek kone mein baitha der tak sunta raha sab ki
Woh aaye soz-khwani ki
Aur us ke baad Maulana ne bhi taqreer farmaai
Fazaail aaye to main ne bhi sab ke saath mein naare lagaaye
Masaaib aaye to roya
Aur ab halqe mein maatam kar raha hoon main
Shabeehein qumqume tughre
Azaakhane mein chhaayi har taraf lobaan ki khushboo
Muqaddas hain bahut acche hain
Lekin kyunkar maatam kar raha hoon main
To mere haath thakte ja rahe hain
Main dubla patla ladka hoon
Chalo mera aqeeda hi bahut kamzor hoga
Magar main chahta hoon
Zara si der ko halqe se hat kar ek cigarette phoonk hi aaoon
Par aisa kar nahin sakta main
Kyunkar baani-e-majlis azaakhane ke darwaze pe baitha hai
Aur tabarruk to isi ko baantna hai
To maatam kar raha hoon main
To main maatam karoon ga
Chaahe kuch ho
Kyunkar ab sab ke barabar hi tabarruk chahiye mujh ko
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں