سچ حسین ہے — امیر امام
شاعر
سچ حسین ہے
کب سے جانے کب سے
شاید صدیوں سے
انسان یہی کہتا آیا ہے
دل کو ہٹا کر
بہت سے دھوکے اس نے اپنی عقل سے کھائے
اک دھوکہ یہ بھی کھایا ہے
وہ کہتا ہے سچ بد صورت
آنکھوں میں خوں
دانت بڑے اور لال زباں باہر کو نکلی
اک ایسی پتھر کی مورت
سچ بد صورت
لیکن یارو غور سے دیکھو
صبح کا ہونا بھی اک سچ ہے
آسمان میں رات کی دیوی کا روزانہ
تارے بونا بھی اک سچ ہے
چاندنی رات کی چاندی بھی اک سچائی ہے
سورج کی کرنوں کا سونا بھی اک سچ ہے
یہاں بھی دیکھو وہاں بھی دیکھو
سچ ہے حسن جہاں بھی دیکھو
حسن ہے سچ کا کونا کونا
حسن کی ضد بد صورت ہونا
تو پھر سچ بد صورت کیسے
یعنی کچھ جھوٹوں نے مل کر
جھوٹ کو اب تک اتنا بولا
آج ہمیں وہ سچ لگتا ہے
جو کڑوا اور بد صورت ہے
آؤ اس میزان میں رکھ کر
سچ اور جھوٹ کی ہیئت تولیں
ہو سکتا ہے جھوٹ لگے دنیا کو لیکن
ہمت کر کے یہ سچ بولیں
امیر امام
Sach haseen hai
Kab se jaane kab se
Shayad sadiyon se
Insaan yahi kehta aaya hai
Dil ko hata kar
Bahut se dhoke us ne apni aql se khaye
Ek dhoka ye bhi khaya hai
Woh kehta hai sach badsoorat
Aankhon mein khoon
Daant bade aur laal zabaan bahar ko nikli
Ek aisi patthar ki moorat
Sach badsoorat
Lekin yaaro ghaur se dekho
Subah ka hona bhi ek sach hai
Aasmaan mein raat ki devi ka rozana
Taare bona bhi ek sach hai
Chandni raat ki chandi bhi ek sachchai hai
Suraj ki kirnon ka sona bhi ek sach hai
Yahaan bhi dekho wahaan bhi dekho
Sach hai husn jahaan bhi dekho
Husn hai sach ka kona kona
Husn ki zid badsoorat hona
To phir sach badsoorat kaise
Yaani kuch jhooton ne mil kar
Jhoot ko ab tak itna bola
Aaj hamein woh sach lagta hai
Jo kadwa aur badsoorat hai
Aao is meezan mein rakh kar
Sach aur jhoot ki haiyat tolein
Ho sakta hai jhoot lage duniya ko lekin
Himmat kar ke ye sach bolein
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں