ہم نے گریہ کیا — امیر امام
شاعر
ہم نے گریہ کیا
ہم نے گریہ کیا
اس جگہ جس جگہ جشن درکار تھا
ہم نے گریہ کیا
اس جگہ
جس جگہ ایڑیاں ہم رگڑتے
تو زمزم ابلنے کو تیار تھا
ہم نے گریہ کیا
سنگ حسرت پہ سر کو پٹکتے ہوئے ایک احساس پر
ناتواں پیاس پر
پیاس جو اس گھڑی مر گئی
اس نے جب
میرے سوکھے لبوں پر
سمندر کی وسعت لئے
اپنے لب رکھ دئے
دیر تک اپنے سب زخم ہم
جسم کی خاک میں ساتھ بوتے رہے
یوں ہی لپٹے ہوئے
جاگتی نیند سوتے رہے
ایک دوجے کی آنکھوں سے روتے رہے
ہم نے گریہ کیا
امیر امام
Hum ne girya kiya
Hum ne girya kiya
Us jagah jis jagah jashn darkaar tha
Hum ne girya kiya
Us jagah
Jis jagah ediyaan hum ragadte
To Zamzam ubalne ko tayyar tha
Hum ne girya kiya
Sang-e-hasrat pe sar ko patakte hue ek ehsaas par
Naatwaan pyaas par
Pyaas jo is ghadi mar gai
Us ne jab
Mere sookhe labon par
Samundar ki wusat liye
Apne lab rakh diye
Der tak apne sab zakhm hum
Jism ki khaak mein saath bote rahe
Yun hi lipte hue
Jaagti neend sote rahe
Ek dooje ki aankhon se rote rahe
Hum ne girya kiya
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں