بلا عنوان — امیر امام
شاعر
بلا عنوان
دھدھک رہی ہے دل میں میرے کوئی شے
نئی خلش
کہ وہ جنون اب پرانا ہو گیا
خیال وہ
کہ مل کے کوئی مل نہیں سکا مجھے
اداسیوں کے آسماں میں کھو گیا
عجیب سانحہ ہوا
گذشتہ شب
میں کتنی جلدی سو گیا
میں بے سکون ہو گیا ہوں
اپنے اس سکون سے
سکون چاہیے مجھے
پھر ایک جعدہ بنت اشعت زماں
جو اتنا تیز زہر دے
لگاؤں جب لبوں سے ظرف آب میں
تو میرے منہ سے دل مرا نکل پڑے
زباں پہ پھر وہ ذائقہ
وہ خون چاہیے مجھے
کوئی نیا جنون چاہیے مجھے
امیر امام
Bila Unwaan
Dhaddhak rahi hai dil mein mere koi shai
Nayi khalish
Ke woh junoon ab purana ho gaya
Khayal woh
Ke mil ke koi mil nahin saka mujhe
Udaasiyon ke aasmaan mein kho gaya
Ajeeb saanha hua
Guzishta shab
Main kitni jaldi so gaya
Main be-sukoon ho gaya hoon
Apne is sukoon se
Sukoon chahiye mujhe
Phir ek ja'dah bint-e-asha'at-e-zamaan
Jo itna tez zehr de
Lagaaun jab labon se zarf-e-aab mein
To mere munh se dil mera nikal pade
Zabaan pe phir woh zaaiqa
Woh khoon chahiye mujhe
Koi naya junoon chahiye mujhe
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں