مطالبہ — امیر امام
شاعر
مطالبہ
یہ کیا ہوا
کہ تیرگی سے شام کی خلیج پاٹ دی گئی
یہ کیا ہوا
مری خموشیوں کی ہر صدا
جہاں کے شور و غل سے کاٹ دی گئی
یہ کیا ہوا کہ آج کا بھی دن تمام ہو گیا
ابھی بہ وقت صبح صرف صبح تھا
ذرا سی دیر بعد شام ہو گیا
تو کتنا خرچ ہو چکا ہوں
کتنا رہ گیا ہوں میں
مجھے حساب چاہیے
وہی سوال آج اس کو پھر جواب چاہیے
یہ آنکھ شور کر رہی ہے اس کو خواب چاہیے
شب سیاہ آج مجھ کو ماہتاب چاہیے
شراب چاہیے
امیر امام
Mutaalba
Ye kya hua
Ke teergi se shaam ki khaleej paat di gai
Ye kya hua
Meri khamoshiyon ki har sada
Jahaan ke shor-o-ghul se kaat di gai
Ye kya hua ke aaj ka bhi din tamaam ho gaya
Abhi ba waqt-e-subah sirf subah tha
Zara si der baad shaam ho gaya
To kitna kharch ho chuka hoon
Kitna reh gaya hoon main
Mujhe hisaab chahiye
Wahi sawal aaj us ko phir jawab chahiye
Ye aankh shor kar rahi hai us ko khwab chahiye
Shab-e-siyah aaj mujh ko mahtaab chahiye
Sharaab chahiye
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں