آنکھ سے آنسو تو دل سے ڈر اٹھا کر لے گیا — امیر امام
شاعر
آنکھ سے آنسو تو دل سے ڈر اٹھا کر لے گیا
آنکھ سے آنسو تو دل سے ڈر اٹھا کر لے گیا
ایک منظر سارے پس منظر اٹھا کر لے گیا
کس نے پہچانا یہاں ان کور بینوں میں مجھے
کون میرا لاشۂ بے سر اٹھا کر لے گیا
مل گیا مجھ میں جسے جو چاہیئے تھا اور پھر
کوئی ہیرے اور کوئی پتھر اٹھا کر لے گیا
میری آنکھیں شہر کے کوزہ گروں میں بٹ گئیں
میرا سینہ ایک آہن گر اٹھا کر لے گیا
جس سے اک پتھر نہ اٹھ پاتا تھا اب وہ ناتواں
انگلیوں پر عشق کا خیبر اٹھا کر لے گیا
سارے منظر ساتھ اس کے عمر بھر چلتے رہے
اپنے کاندھوں پر وہ اپنا گھر اٹھا کر لے گیا
امیر امام
Aankh se aansoo toh dil se dar utha kar le gaya
Aankh se aansoo toh dil se dar utha kar le gaya
Ek manzar saare pas-e-manzar utha kar le gaya
Kis ne pehchana yahan in kor-beeno'n mein mujhe
Kaun mera laasha-e-be-sar utha kar le gaya
Mil gaya mujh mein jise jo chahiye tha aur phir
Koi heere aur koi patthar utha kar le gaya
Meri aankhein shehr ke koza-garo'n mein bat gayin
Mera seena ek aahan-gar utha kar le gaya
Jis se ek patthar na uth paata tha ab woh natawan
Ungliyon par ishq ka khaibar utha kar le gaya
Saare manzar saath us ke umar bhar chalte rahe
Apne kaandhon par woh apna ghar utha kar le gaya
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں