اب اس جہان برہنہ کا استعارہ ہوا — امیر امام
شاعر
اب اس جہان برہنہ کا استعارہ ہوا
جو اب جہان برہنہ کا استعارہ ہوا
میں زندگی ترا اک پیرہن اتارا ہوا
سیاہ خون ٹپکتا ہے لمحے لمحے سے
نہ جانے رات پہ شب خوں ہے کس نے مارا ہوا
جکڑ کے سانسوں میں تشہیر ہو رہی ہے مری
میں ایک قید سپاہی ہوں جنگ ہارا ہوا
پھر اس کے بعد وہ آنسو اتر گیا دل میں
ذرا سی دیر کو آنکھوں میں اک شرارہ ہوا
خدا کا شکر مری تشنگی پلٹ آئی
چلی گئی تھی سمندر کا جب اشارہ ہوا
امیر امام مبارک ہو فتح عشق تمہیں
یہ درد مال غنیمت ہے سب تمہارا ہوا
امیر امام
Ab is jahan-e-barhana ka iste'aara hua
Jo ab jahan-e-barhana ka iste'aara hua
Main zindagi tera ik pairahan utara hua
Siyah khoon tapakta hai lamhe lamhe se
Na jaane raat pe shab khoon hai kis ne mara hua
Jakad ke saanson mein tash'heer ho rahi hai meri
Main ek qaid sipahi hoon jang hara hua
Phir us ke baad woh aansoo utar gaya dil mein
Zara si der ko aankhon mein ik sharara hua
Khuda ka shukr meri tishnagi palat aayi
Chali gayi thi samandar ka jab ishara hua
Ameer Imam mubarak ho fateh-e-ishq tumhein
Yeh dard maal-e-ghaneemat hai sab tumhara hua
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں