اگر تم چاہتے ہو اب کہ تم سے بھی کنارہ کر لیا جائے — امیر امام
شاعر
اگر تم چاہتے ہو اب کہ تم سے بھی کنارہ کر لیا جائے
اگر تم چاہتے ہو اب کہ تم سے بھی کنارہ کر لیا جائے
گوارہ ہے مگر خود ہی کہو کیسے گوارہ کر لیا جائے
ملائم چاندنی کتنی بھلی لگتی ہے ان بے خواب آنکھوں کو
یہ مانا داغ ہے پر چاند تیرا استعارہ کر لیا جائے
ذرا ٹھہرو کسے معلوم چوتھی سمت ہوں جنگل کی وہ آنکھیں
ادھر جانا ہے پر جانے سے پہلے استخارہ کر لیا جائے
لگا کر زخم میرے کہہ رہا ہے وہ بتاؤ کس کی باری ہے
مزہ آ جائے جو پھر اپنی ہی جانب اشارہ کر لیا جائے
سنا ہے تو اس آنسو کی طرح نازاں بہت وسعت پہ اپنی ہے
بتا اے آسماں تجھ کو بھی آنکھوں میں شرارہ کر لیا جائے
جہاں اب خاک اڑتی ہے کبھی دریائے مستقبل تھا وہ لوگو
چلو اک بار پھر صحرائے ماضی کا نظارہ کر لیا جائے
امیر امام
Agar tum chahte ho ab ke tum se bhi kinara kar liya jaye
Agar tum chahte ho ab ke tum se bhi kinara kar liya jaye
Gawaara hai magar khud hi kaho kaise gawaara kar liya jaye
Mulaim chandni kitni bhali lagti hai un be-khwaab aankhon ko
Yeh mana daagh hai par chand tera isti'aara kar liya jaye
Zara thehro kise maloom chauthi simt hon jangal ki woh aankhein
Idhar jaana hai par jaane se pehle istikhara kar liya jaye
Laga kar zakhm mere keh raha hai woh batao kis ki baari hai
Maza aa jaye jo phir apni hi jaanib ishaara kar liya jaye
Suna hai tu uss aansoo ki tarah naazaan bohat wus'at pe apni hai
Bata aye aasmaan tujh ko bhi aankhon mein sharara kar liya jaye
Jahan ab khaak udti hai kabhi darya-e-mustaqbil tha woh logo
Chalo ek baar phir sahra-e-maazi ka nazaara kar liya jaye
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں