بیمار آگہی تری وجہ شفا ہے دل — امیر امام
شاعر
بیمار آگہی تری وجہ شفا ہے دل
بیمار آگہی تری وجہ شفا ہے دل
مشکل پرست عقل تو مشکل کشا ہے دل
ٹوٹے نہ کوئی خواب تو دل کوئی شے نہیں
خوابوں کے ٹوٹنے کی کھنکتی صدا ہے دل
اتنی کمی رہی کہ فرشتہ نہ ہو سکا
ابلیس دل ہے آدمی دل ہے خدا ہے دل
آندھی ہوائے گرم کی دنیا کے موڑ پر
آئے مقام عشق تو ٹھنڈی ہوا ہے دل
اے کاش یہ حیات بھی ہوتی اسی طرح
ہر روز پچھلے روز کے دل سے جدا ہے دل
جلتے خیام خون صدائیں اداسیاں
اور میں کھڑا ہوا ہوں مری کربلا ہے دل
نکلا تھا کس کو ڈھونڈنے اور کون مل گیا
آنسو کیے تلاش تو مجھ کو ملا ہے دل
امیر امام
Beemar-e-aagahi teri wajah-e-shifa hai dil
Beemar-e-aagahi teri wajah-e-shifa hai dil
Mushkil parast aql tu mushkil kusha hai dil
Toote na koi khwaab to dil koi shay nahin
Khwaabon ke tootne ki khankti sada hai dil
Itni kami rahi ke farishta na ho saka
Iblees dil hai, aadmi dil hai, khuda hai dil
Aandhi hawa-e-garm ki duniya ke mod par
Aaye maqam-e-ishq to thandhi hawa hai dil
Ay kaash ye hayat bhi hoti isi tarah
Har roz pichhle roz ke dil se juda hai dil
Jalte khiyam, khoon, sadaayen, udaasiyan
Aur main khada hua hoon meri karbala hai dil
Nikla tha kis ko dhoondhne aur kaun mil gaya
Aansu kiye talaash to mujh ko mila hai dil
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں