بکھر گئے ہیں یہاں جا بہ جا بنا دیجے — امیر امام
شاعر
بکھر گئے ہیں یہاں جا بہ جا بنا دیجے
بکھر گئے ہیں یہاں جا بہ جا بنا دیجے
ہمارے ہونے کا اک سلسلہ بنا دیجے
ہمارے جیسا نہیں کوئی یوں اکیلے ہیں
ہمارے جیسا کوئی دوسرا بنا دیجے
جہاں جہاں ہیں زیادہ گھٹائیے ہم کو
گھٹے ہوئے ہیں جہاں پر سوا بنا دیجے
ہماری سمت کوئی راستہ نہیں آتا
ہماری سمت کوئی راستہ بنا دیجے
عجب نہیں کہ ستاروں کو چھو کے لوٹ آئیں
یہ زلف کھولیے ہم کو ہوا بنا دیجے
اگر قیام خدا کا ہے آسمانوں پر
تو پھر زمین پہ ہم کو خدا بنا دیجے
امیر امام
Bikhar gaye hain yahan ja ba ja bana deejiye
Bikhar gaye hain yahan ja ba ja bana deejiye
Hamaare hone ka ik silsila bana deejiye
Hamaare jaisa nahin koi yoon akele hain
Hamaare jaisa koi doosra bana deejiye
Jahan jahan hain zyada ghaṭaiye hum ko
Ghaṭe hue hain jahan par siwa bana deejiye
Hamaari simt koi raasta nahin aata
Hamaari simt koi raasta bana deejiye
Ajab nahin ke sitaron ko chhoo ke lauṭ aayen
Ye zulf kholiye hum ko hawa bana deejiye
Agar qayām Khuda ka hai aasmaanon par
To phir zameen pe hum ko Khuda bana deejiye
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں