بت جانے کسی کو نہ خدا مانے کسی کو — امیر امام
شاعر
بت جانے کسی کو نہ خدا مانے کسی کو
بت جانے کسی کو نہ خدا مانے کسی کو
دیوانہ ترا کب بھلا گردانے کسی کو
وہ رات ہی اس جسم پہ آتی تھی برابر
وہ رات بھی وہ لے گیا پہنانے کسی کو
خوش شکل ملا تجھ سا تو پھر بات الگ تھی
ورنہ نہ سنائے ترے افسانے کسی کو
اس پیاس کو اب پیاس ہی سیراب کرے گی
صحرا کی طرف لے گئے میخانے کسی کو
گر بھیڑ ہے تو بھیڑ کے آداب نبھائے
اس بھیڑ میں اب کوئی نہ پہچانے کسی کو
چھوڑ آؤ ادھر رونق بازار کی خواہش
یوں آتے نہیں راس یہ ویرانے کسی کو
امیر امام
But jaane kisi ko na Khuda maane kisi ko
But jaane kisi ko na Khuda maane kisi ko
Deewana tera kab bhala gardaane kisi ko
Woh raat hi is jism pe aati thi barabar
Woh raat bhi woh le gaya pehnane kisi ko
Khush shakal mila tujh sa toh phir baat alag thi
Varna na sunaye tere afsane kisi ko
Is pyaas ko ab pyaas hi seraab karegi
Sehra ki taraf le gaye mai-khane kisi ko
Gar bheed hai toh bheed ke aadaab nibhaye
Is bheed mein ab koi na pehchane kisi ko
Chhod aao idhar raunaq-e-bazaar ki khwahish
Yoon aate nahin raas yeh veerane kisi ko
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں