چلوں کب تک کہ گھر نہیں آتا — امیر امام
شاعر
چلوں کب تک کہ گھر نہیں آتا
چلوں کب تک کہ گھر نہیں آتا
مجھ کو رکنا مگر نہیں آتا
تیرا پیغامبر جنوں میرا
اب وہ پیغامبر نہیں آتا
مجھ میں ہر سمت ہے غبار ترا
دور تک کچھ نظر نہیں آتا
بات ہوتی ہے ایک لمحہ کی
چین کیوں عمر بھر نہیں آتا
وہی دیوار اور سر میرا
ہاں وہی جس میں در نہیں آتا
آ گیا ہے قرار ہی شاید
مر نہ جاتے اگر نہیں آتا
امیر امام
Chaloon kab tak ke ghar nahin aata
Chaloon kab tak ke ghar nahin aata
Mujh ko rukna magar nahin aata
Tera paighambar junoon mera
Ab woh paighambar nahin aata
Mujh mein har simt hai ghubaar tera
Door tak kuch nazar nahin aata
Baat hoti hai ek lamhe ki
Chain kyoon umar bhar nahin aata
Wohi deewar aur sar mera
Haan wohi jis mein dar nahin aata
Aa gaya hai qaraar hi shayad
Mar na jaate agar nahin aata
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں