چلتے چلتے یہ گلی بے جان ہوتی جائے گی — امیر امام
شاعر
چلتے چلتے یہ گلی بے جان ہوتی جائے گی
چلتے چلتے یہ گلی بے جان ہوتی جائے گی
رات ہوتی جائے گی سنسان ہوتی جائے گی
دیکھنا کیا ہے نظر انداز کرنا ہے کسے
منظروں کی خود بہ خود پہچان ہوتی جائے گی
اس کے چہرے پر مسلسل آنکھ رک سکتی نہیں
آنکھ بار حسن سے ہلکان ہوتی جائے گی
سوچ لو یہ دل لگی بھاری نہ پڑ جائے کہیں
جان جس کو کہہ رہے ہو جان ہوتی جائے گی
کر ہی کیا سکتی ہے دنیا اور تجھ کو دیکھ کر
دیکھتی جائے گی اور حیران ہوتی جائے گی
کاکل خم دار میں خم اور آتے جائیں گے
زلف اس کی اور بھی شیطان ہوتی جائے گی
آتے آتے عشق کرنے کا ہنر آ جائے گا
رفتہ رفتہ زندگی آسان ہوتی جائے گی
جا چکیں خوشیاں تو اب غم ہجرتیں کرنے لگے
دل کی بستی اس طرح ویران ہوتی جائے گی
امیر امام
Chalte chalte ye gali be-jaan hoti jaayegi
Chalte chalte ye gali be-jaan hoti jaayegi
Raat hoti jaayegi sunsaan hoti jaayegi
Dekhna kya hai nazar-andaaz karna hai kise
Manzaron ki khud ba khud pehchaan hoti jaayegi
Us ke chehre par musalsal aankh ruk sakti nahin
Aankh baar-e-husn se halqaan hoti jaayegi
Soch lo ye dillagi bhaari na pad jaaye kahin
Jaan jis ko keh rahe ho jaan hoti jaayegi
Kar hi kya sakti hai duniya aur tujh ko dekh kar
Dekhti jaayegi aur hairan hoti jaayegi
Kaakul-e-khamdaar mein kham aur aate jaayenge
Zulf us ki aur bhi shaitaan hoti jaayegi
Aate aate ishq karne ka hunar aa jaayega
Rafta rafta zindagi aasaan hoti jaayegi
Ja chukin khushiyaan to ab gham hijratein karne lage
Dil ki basti is tarah veeran hoti jaayegi
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں