چند روز اور بدن تو بھی ٹھکانہ ہے مجھے — امیر امام
شاعر
چند روز اور بدن تو بھی ٹھکانہ ہے مجھے
چند روز اور بدن تو بھی ٹھکانہ ہے مجھے
راستہ چھوڑ کہ جلدی میں ہوں جانا ہے مجھے
موت ہے دل کے دھڑکنے کے ٹھہرنے کی دلیل
زندگی دل کے دھڑکنے کا بہانہ ہے مجھے
میں اکیلا ہوں کہاں ہو مری آنکھو آؤ
آج اک خواب کے لاشہ کو اٹھانا ہے مجھے
پاس بس ایک کہانی ہے سنانے کے لئے
عمر بھر ایک کہانی کو سنانا ہے مجھے
اے خموشی تری دیوار کا کیا بگڑے گا
جانتا ہوں یہ مگر شور مچانا ہے مجھے
دیکھتا رہتا ہوں چہروں میں چھپے چہروں کو
اپنی تنہائی کوئی آئنہ خانہ ہے مجھے
امیر امام
Chand roz aur badan tu bhi thikana hai mujhe
Chand roz aur badan tu bhi thikana hai mujhe
Rasta chhoṛ ki jaldi mein hoon jaana hai mujhe
Maut hai dil ke dhaṛakne ke thaharne ki daleel
Zindagi dil ke dhaṛakne ka bahana hai mujhe
Main akela hoon kahan ho meri aankho aao
Aaj ek khwab ke lashe ko uṭhana hai mujhe
Paas bas ek kahani hai sunane ke liye
Umr bhar ek kahani ko sunana hai mujhe
Aye khamoshi teri deewar ka kya bigaṛega
Janta hoon yeh magar shor machana hai mujhe
Dekhta rehta hoon chehron mein chhipe chehron ko
Apni tanhai koi aaina khana hai mujhe
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں