چاند سورج سے پرے اور کہیں چاہتے ہیں — امیر امام
شاعر
چاند سورج سے پرے اور کہیں چاہتے ہیں
چاند سورج سے پرے اور کہیں چاہتے ہیں
آسماں جس پہ نہ ہو ایسی زمیں چاہتے ہیں
جس قدر دور ہے کچھ اور زیادہ اس سے
اب سمجھ لو کہ اسے کتنا قریں چاہتے ہیں
اک تصور ہے کہ تجھ سے بھی مشابہ ہے بہت
ہم اسے چاہتے ہیں تجھ کو نہیں چاہتے ہیں
ہم زمیں کے ہیں کسی عرش معلیٰ کے نہیں
اے خدا فیصلہ ہم لوگ یہیں چاہتے ہیں
وہ ہمیں اور جنوں اور جنوں چاہتا ہے
ہم اسے اور حسیں اور حسیں چاہتے ہیں
عشق ہوتا ہے گماں اس کو گماں ہونا تھا
ہے کمی اپنی کہ ہم اس کو یقیں چاہتے ہیں
امیر امام
Chand Sooraj se pare aur kaheen chahte hain
Chand Sooraj se pare aur kaheen chahte hain
Aasmaan jis pe na ho aisi zameen chahte hain
Jis qadar door hai kuch aur zyada uss se
Ab samajh lo ke use kitna qareen chahte hain
Ek tasavvur hai ke tujh se bhi mushabih hai bohat
Hum use chahte hain tujh ko nahin chahte hain
Hum zameen ke hain kisi arsh-e-mualla ke nahin
Aye Khuda faisla hum log yaheen chahte hain
Woh hamein aur junoon aur junoon chahta hai
Hum use aur haseen aur haseen chahte hain
Ishq hota hai gumaan uss ko gumaan hona tha
Hai kami apni ke hum uss ko yaqeen chahte hain
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں