چھوڑ کر آنکھیں جبینوں کی طرف چلنے لگے — امیر امام
شاعر
چھوڑ کر آنکھیں جبینوں کی طرف چلنے لگے
چھوڑ کر آنکھیں جبینوں کی طرف چلنے لگے
خواب اشکوں سے پسینوں کی طرف چلنے لگے
جب نہیں لوٹے تو کچھ دن راہ دیکھی اور پھر
وہ مکاں اپنے مکینوں کی طرف چلنے لگے
دل کے تہہ خانے سے اک خواہش کو لے کر ساتھ ہم
اس بدن کی شہ نشینوں کی طرف چلنے لگے
اس کے در سے ہم چلے تو آسماں تک آ گئے
اور پھر واپس زمینوں کی طرف چلنے لگے
حال بھی ماضی بھی مستقبل بھی دیتا تھا صدا
تنگ آ کر ہم بھی تینوں کی طرف چلنے لگے
جانتے ہو وہ ہماری آستیں کے سانپ تھے
جو تمہاری آستینوں کی طرف چلنے لگے
امیر امام
Chhoṛ kar aankhen jabeenon ki taraf chalne lage
Chhoṛ kar aankhen jabeenon ki taraf chalne lage
Khwab ashkon se paseenon ki taraf chalne lage
Jab nahin lauṭe to kuchh din raah dekhi aur phir
Woh makan apne makeenon ki taraf chalne lage
Dil ke teh-khane se ek khwahish ko le kar saath hum
Is badan ki shah-nasheenon ki taraf chalne lage
Us ke dar se hum chale to aasman tak aa gaye
Aur phir wapas zameenon ki taraf chalne lage
Haal bhi mazi bhi mustaqbil bhi deta tha sada
Tang aa kar hum bhi teenon ki taraf chalne lage
Jante ho woh hamari aasteen ke saap the
Jo tumhari aasteenon ki taraf chalne lage
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں