دامن دل پر نئی گلکاریاں کرتے رہو — امیر امام
شاعر
دامن دل پر نئی گلکاریاں کرتے رہو
دامن دل پر نئی گلکاریاں کرتے رہو
زندگی سے جنگ کی تیاریاں کرتے رہو
رات کٹنے تک انہیں ہموار کرنے کے لیے
اپنے اندر روز نا ہمواریاں کرتے رہو
دشمنوں سے عمر بھر اپنے نبھاؤ دشمنی
اور یاروں سے ہمیشہ یاریاں کرتے رہو
عشق کرنا ذمہ داری ہے نتیجہ کچھ بھی ہو
صرف پوری اپنی ذمہ داریاں کرتے رہو
بے سبب مرنے سے اچھا ہے کہ ہو کوئی سبب
دوستو سگریٹ پیو مے خواریاں کرتے رہو
عمر اتنی کٹ گئی ہے اور بھی کٹ جائے گی
دل رباؤں سے یوں ہی دلداریاں کرتے رہو
کھول دو دل اور گزرنے دو ہوائے عشق کو
راکھ میں پیدا نئی چنگاریاں کرتے رہو
امیر امام
Dāman-e-dil par naī gulkaariyan karte raho
Dāman-e-dil par naī gulkaariyan karte raho
Zindagi se jang kī tayyariyan karte raho
Raat kaṭne tak unheñ hamwār karne ke liye
Apne andar roz nāhamwāriyan karte raho
Dushmanoñ se umr bhar apne nibhao dushmanī
Aur yaron se hamesha yariyan karte raho
Ishq karna zimmedari hai nateeja kuchh bhi ho
Sirf poori apni zimmedariyan karte raho
Be-sabab marne se achha hai ke ho koī sabab
Dosto cigarette piyo may-khwariyan karte raho
Umr itnī kaṭ gaī hai aur bhi kaṭ jayegī
Dilrubaoñ se yūñ hī dildariyan karte raho
Khol do dil aur guzarne do hawa-e-ishq ko
Raakh mein paida naī chingaariyan karte raho
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں