غرور آب رواں تجھ کو مات ہو گئی ہے — امیر امام
شاعر
غرور آب رواں تجھ کو مات ہو گئی ہے
غرور آب رواں تجھ کو مات ہو گئی ہے
ہماری تشنہ دہانی فرات ہو گئی ہے
کہاں چلے گئے آؤ خدائی فرماؤ
کہ خلق ایک نئی کائنات ہو گئی ہے
تمہارے خوابوں کو جانا تھا جا چکے لیکن
تمہاری یاد بھی خوابوں کے ساتھ ہو گئی ہے
یہ خون رستی ہوئی انگلیاں قلم اپنا
یہ خشک آنکھوں کی خشکی دوات ہو گئی ہے
پرندے اپنے گھروں کو پلٹ چکے کب کے
چلے بھی آؤ کہ آنکھوں میں رات ہو گئی ہے
تو ہم سے تم بھی نہ بولو گے خیر مت بولو
ہماری چاند ستاروں سے بات ہو گئی ہے
امیر امام
Ghuroor-e-aab-e-ravaan tujh ko maat ho gayi hai
Ghuroor-e-aab-e-ravaan tujh ko maat ho gayi hai
Hamari tashna-dahani furaat ho gayi hai
Kahaan chale gaye aao khudaai farmao
Ke khalq ek nayi kainat ho gayi hai
Tumhare khwaabon ko jana tha ja chuke lekin
Tumhari yaad bhi khwaabon ke saath ho gayi hai
Ye khoon rasti hui ungliyan qalam apna
Ye khushk aankhon ki khushki dawaat ho gayi hai
Parinde apne gharon ko palat chuke kab ke
Chale bhi aao ke aankhon mein raat ho gayi hai
To ham se tum bhi na bologe khair mat bolo
Hamari chand sitaron se baat ho gayi hai
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں