ہے کون کس کی ذات کے اندر لکھیں گے ہم — امیر امام
شاعر
ہے کون کس کی ذات کے اندر لکھیں گے ہم
ہے کون کس کی ذات کے اندر لکھیں گے ہم
نہر رواں کو پیاس کا منظر لکھیں گے ہم
یہ سارہ شہر اعلیٰ حکمت لکھے اسے
خنجر اگر ہے کوئی تو خنجر لکھیں گے ہم
اب تم سپاس نامۂ شمشیر لکھ چکے
اب داستان لاشۂ بے سر لکھیں گے ہم
رکھی ہوئی ہے دونوں کی بنیاد ریت پر
صحرائے بے کراں کو سمندر لکھیں گے ہم
اس شہر بے چراغ کی آندھی نہ ہو اداس
تجھ کو ہوائے کوچۂ دلبر لکھیں گے ہم
کیا حسن ان لبوں میں جو پیاسے نہیں رہے
سوکھے ہوئے لبوں کو گل تر لکھیں گے ہم
ہم سے گناہ گار بھی اس نے نبھا لیے
جنت سے یوں زمین کو بہتر لکھیں گے ہم
امیر امام
Hai kaun kis ki zaat ke andar likhenge hum
Hai kaun kis ki zaat ke andar likhenge hum
Nahar-e-rawan ko pyaas ka manzar likhenge hum
Ye saara shahar a'ala hikmat likhe use
Khanjar agar hai koi to khanjar likhenge hum
Ab tum sipas-nama-e-shamshir likh chuke
Ab dastan-e-lasha-e-be-sar likhenge hum
Rakhi hui hai donon ki buniyad ret par
Sehra-e-be-karan ko samandar likhenge hum
Is shahar-e-be-chiragh ki aandhi na ho udaas
Tujh ko hawa-e-koocha-e-dilbar likhenge hum
Kya husn in labon mein jo pyaase nahin rahe
Sookhe hue labon ko gul-e-tar likhenge hum
Hum se gunahgar bhi us ne nibha liye
Jannat se yoon zameen ko behtar likhenge hum
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں