حق طلب کرتے ہوئے لوگوں کو فریادی کہیں — امیر امام
شاعر
حق طلب کرتے ہوئے لوگوں کو فریادی کہیں
حق طلب کرتے ہوئے لوگوں کو فریادی کہیں
گر یہ آزادی ہے کیسے اس کو آزادی کہیں
چاند کو شب زاد کہہ دینے سے کب پوری ہوئی
بات پوری ہو جو ان صبحوں کو شب زادی کہیں
کتنے دھوکے باز ہیں لفظ و بیاں کے سلسلے
اپنی قبریں ڈھونڈتی لاشوں کو آبادی کہیں
دودھ کی نہریں بنانا اپنے اپنے گھر تلک
اور ستم یہ بھی کہ اس جذبہ کو فرہادی کہیں
آندھیوں سے لڑ رہے ہیں جنگ کچھ کاغذ کے لوگ
ہم پہ لازم ہے کہ ان لوگوں کو فولادی کہیں
صرف حسن و عشق کے دم سے یہ باقی ہے ابھی
آئیے دنیا کو حسن و عشق کی وادی کہیں
امیر امام
Haq talab karte hue logoñ ko faryadi kaheñ
Haq talab karte hue logoñ ko faryadi kaheñ
Gar yeh aazadi hai kaise is ko aazadi kaheñ
Chand ko shab-zaad keh dene se kab poori huī
Baat poori ho jo in subhoñ ko shab-zaadi kaheñ
Kitne dhoke-baaz hain lafz-o-bayan ke silsile
Apnī qabreñ dhundhti lashoñ ko aabadi kaheñ
Doodh kī nahreñ banana apne apne ghar talak
Aur sitam yeh bhi ke is jazbe ko farhadi kaheñ
Aandhiyon se laṛ rahe hain jang kuchh kaghaz ke log
Hum pe lazim hai ke un logoñ ko fauladi kaheñ
Sirf husn-o-ishq ke dam se yeh baqi hai abhī
Aaiye duniya ko husn-o-ishq kī wadi kaheñ
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں