حقیقتوں کی طرف داستاں سے نکلیں گے — امیر امام
شاعر
حقیقتوں کی طرف داستاں سے نکلیں گے
حقیقتوں کی طرف داستاں سے نکلیں گے
جو ایک روز ہم اس خاکداں سے نکلیں گے
نہ تارتار گریباں نہ خاک اڑاتے ہوئے
کسی کے کوچۂ نامہرباں سے نکلیں گے
جہاں کوئی نہیں پہنچا وہاں پہنچنا ہے
جہاں کوئی نہیں نکلا وہاں سے نکلیں گے
کسی کے زخم کسی کا بدن اٹھائے گا
کسی کے تیر کسی کی کماں سے نکلیں گے
زمیں میں جانا ہے یوں ہیں زمین کی خاطر
ہم آسماں کے لئے آسماں سے نکلیں گے
نہ پھر گھڑی کی یہ ٹک ٹک نہ گرتی دیواریں
کبھی تو قید زمان و مکاں سے نکلیں گے
چھپے ہیں یوں کہ تلاشیں ہمیں نئی نسلیں
خموش یوں ہیں کہ ان کی زباں سے نکلیں گے
امیر امام
Haqeeqaton ki taraf dastaan se niklenge
Haqeeqaton ki taraf dastaan se niklenge
Jo ek roz hum is khakdaan se niklenge
Na taar taar gareeban na khaak udate hue
Kisi ke koocha-e-na-meherbaan se niklenge
Jahan koi nahin pahuncha wahan pahunchna hai
Jahan koi nahin nikla wahan se niklenge
Kisi ke zakhm kisi ka badan uthayega
Kisi ke teer kisi ki kamaan se niklenge
Zameen mein jaana hai yoon hi hain zameen ki khatir
Hum aasman ke liye aasman se niklenge
Na phir ghadi ki yeh tik tik na girti deewarein
Kabhi toh qaid-e-zamaan-o-makaan se niklenge
Chhupe hain yoon ke talashe'n humein nayi naslein
Khamosh yoon hain ke un ki zubaan se niklenge
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں