ہر آہ سرد عشق ہے ہر واہ عشق ہے — امیر امام
شاعر
ہر آہ سرد عشق ہے ہر واہ عشق ہے
ہر آہ سرد عشق ہے ہر واہ عشق ہے
ہوتی ہے جو بھی جرات نگاہ عشق ہے
دربان بن کے سر کو جھکائے کھڑی ہے عقل
دربار دل کہ جس کا شہنشاہ عشق ہے
سن اے غرور حسن ترا تذکرہ ہے کیا
اسرار کائنات سے آگاہ عشق ہے
جبار بھی رحیم بھی قہار بھی وہی
سارے اسی کے نام ہیں اللہ عشق ہے
محنت کا پھل ہے صدقہ و خیرات کیوں کہیں
جینے کی ہم جو پاتے ہیں تنخواہ عشق ہے
چہرہ فقط پڑاؤ ہیں منزل نہیں تری
اے کاروان عشق تری راہ عشق ہے
ایسے ہیں ہم تو کوئی ہماری خطا نہیں
للہ عشق ہے ہمیں واللہ عشق ہے
ہوں وہ امیر امام کہ فرہاد و قیس ہوں
آؤ کہ ہر شہید کی درگاہ عشق ہے
امیر امام
Har aah-e-sard ishq hai har waah ishq hai
Har aah-e-sard ishq hai har waah ishq hai
Hoti hai jo bhi jurrat-e-nigah ishq hai
Darbaan ban ke sar ko jhukaye khadi hai aql
Darbar-e-dil ki jis ka shahenshah ishq hai
Sun aye ghuroor-e-husn tera tazkira hai kya
Asrar-e-kainat se aagah ishq hai
Jabbar bhi Raheem bhi Qahhar bhi wahi
Saare usi ke naam hain Allah ishq hai
Mehnat ka phal hai sadqa-o-khairaat kyun kahein
Jeene ki hum jo paate hain tankhwah ishq hai
Chehra faqat padav hain manzil nahin teri
Aye kaarwan-e-ishq teri raah ishq hai
Aise hain hum to koi hamari khata nahin
Lillah ishq hai hamein wallah ishq hai
Hoon wo Ameer Imam ki Farhad-o-Qais hoon
Aao ki har shaheed ki dargah ishq hai
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں