ہر ایک شام کا منظر دھواں اگلنے لگا — امیر امام
شاعر
ہر ایک شام کا منظر دھواں اگلنے لگا
ہر ایک شام کا منظر دھواں اگلنے لگا
وہ دیکھو دور کہیں آسماں پگھلنے لگا
تو کیا ہوا جو میسر کوئی لباس نہیں
پہن کے دھوپ میں اپنے بدن پہ چلنے لگا
میں پچھلی رات تو بے چین ہو گیا اتنا
کہ اس کے بعد یہ دل خود بہ خود بہلنے لگا
عجیب خواب تھے شیشے کی کرچیوں کی طرح
جب ان کو دیکھا تو آنکھوں سے خوں نکلنے لگا
بنا کے دائرہ یادیں سمٹ کے بیٹھ گئیں
بوقت شام جو دل کا الاؤ جلنے لگا
امیر امام
Har ek shaam ka manzar dhuan ugalne laga
Har ek shaam ka manzar dhuan ugalne laga
Woh dekho door kahin aasmaan pighalne laga
To kya hua jo muyassar koi libaas nahin
Pehan ke dhoop mein apne badan pe chalne laga
Main pichhli raat to bechain ho gaya itna
Ke us ke baad yeh dil khud ba khud behalne laga
Ajeeb khwab the sheeshe ki kirchiyon ki tarah
Jab un ko dekha to aankhon se khoon nikalne laga
Bana ke daaira yaadein simat ke baith gayeen
Ba waqt-e-shaam jo dil ka alaao jalne laga
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں