ہم بے وفا ہیں تم ہو وفادار خوش رہو — امیر امام
شاعر
ہم بے وفا ہیں تم ہو وفادار خوش رہو
ہم بے وفا ہیں تم ہو وفادار خوش رہو
سرکار خوش رہو مری سرکار خوش رہو
لے جاؤ اپنی زلف کے سائے سمیٹ کر
ہم کو بہت ہے سایۂ دیوار خوش رہو
ہونے پہ اپنے آپ کے اصرار کب کیا
ہونے سے خود ہمیں بھی ہے انکار خوش رہو
ہم تو فقط ہیں بھیڑ بڑھانے کے واسطے
تم ہو بنائے رونق بازار خوش رہو
تم خوش رہو کہ اب کوئی خطرہ نہیں تمہیں
ہم ہو چکے ہیں خود میں گرفتار خوش رہو
تم عورتوں پہ ہم نے ہمیشہ ستم کئے
ہم مرد ہیں سدا کے جفا کار خوش رہو
بے وجہ غم کا ڈھونگ رچانے سے فائدہ
یوں بھی ہیں سب تمہارے پرستار خوش رہو
انساں بھی ہم خراب ہیں شاعر بھی ہیں خراب
بے کار یہ غزل ہے یہ اشعار خوش رہو
امیر امام
Hum bewafa hain tum ho wafadar khush raho
Hum bewafa hain tum ho wafadar khush raho
Sarkar khush raho meri sarkar khush raho
Le jaao apni zulf ke saaye samet kar
Hum ko bahut hai saaya deewar khush raho
Hone pe apne aap ke israr kab kiya
Hone se khud hamein bhi hai inkar khush raho
Hum to faqat hain bheed badhane ke waaste
Tum ho banaye raunaq-e-bazaar khush raho
Tum khush raho ke ab koi khatra nahin tumhein
Hum ho chuke hain khud mein giraftar khush raho
Tum aurton pe hum ne hamesha sitam kiye
Hum mard hain sada ke jafa kaar khush raho
Be wajah gham ka dhong rachane se faaida
Yun bhi hain sab tumhare parastar khush raho
Insaan bhi hum kharab hain shayar bhi hain kharab
Bekar yeh ghazal hai yeh ash'aar khush raho
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں