ان کو خلا میں کوئی نظر آنا چاہیے — امیر امام
شاعر
ان کو خلا میں کوئی نظر آنا چاہیے
ان کو خلا میں کوئی نظر آنا چاہیے
آنکھوں کو ٹوٹے خواب کا ہرجانہ چاہیے
وہ کام رہ کے شہر میں کرنا پڑا ہمیں
مجنوں کو جس کے واسطے ویرانہ چاہیے
ہے ہجر تو کباب نہ کھانے سے کیا حصول
گر عشق ہے تو کیا ہمیں مر جانا چاہیے
اس زخم دل پہ آج بھی سرخی کو دیکھ کر
اترا رہے ہیں ہم ہمیں اترانا چاہیے
دانائیاں بھی خوب ہیں لیکن اگر ملے
دھوکہ حسین سا تو اسے کھانا چاہیے
تنہائیوں پہ اپنی نظر کر ذرا کبھی
اے بےوقوف دل تجھے گھبرانا چاہیے
اس شاعری میں کچھ نہیں نقاد کے لئے
دل دار چاہیے کوئی دیوانہ چاہیے
امیر امام
In ko khala mein koi nazar aana chahiye
In ko khala mein koi nazar aana chahiye
Aankhon ko toote khwab ka harjana chahiye
Wo kaam rah ke shahar mein karna pada hamein
Majnun ko jis ke waste veerana chahiye
Hai hijr to kabaab na khane se kya husool
Gar ishq hai to kya hamein mar jaana chahiye
Is zakhm-e-dil pe aaj bhi surkhi ko dekh kar
Itra rahe hain hum hamein itrana chahiye
Danaiyan bhi khoob hain lekin agar mile
Dhoka haseen sa to use khana chahiye
Tanhaiyon pe apni nazar kar zara kabhi
Aye bewaqoof dil tujhe ghabrana chahiye
Is shayari mein kuchh nahin naqaad ke liye
Dildaar chahiye koi deewana chahiye
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں